花生豆豆

自從第一次去日本買過花生豆豆俾自己做手信之後，
每一次去日本都要買，唔買唔安落果隻。

喫呢個花生豆豆真係好開心，
好多粒，好多顏色，好多形狀，好多味道，貪心小小最鍾意咩都多！
拎一粒上手，望吓咩顏色，咩形狀，估吓佢咩味，
放入口，咬開一半，裡面粒花生跌落條脷果樹，
再〔梅〕吓半邊麵粉殼，咬吓半邊麵粉殼，
鹹鹹地醬油味，鯹鯹地既紫菜，甜甜地既麵粉殼，唔．．．好味！！

肚餓果陣喫又得，喫幾粒就唔使肚空空；
喫飽飯再喫又得，喫多幾粒填埋僅有既位，得咗。