2008年2月25日星期一

上山市 - かみのやま温泉

因為免費又有時間,去左上山市浸免費足湯。
由山形坐JR去上山市,要向かみのやま温泉駅落車,車程只不過10分鐘左右。
去浸足湯,切記帶抹腳毛巾,真係唔記得的話,向JR駅有間便利店,都有毛巾買。

根據資料顯示,總共有5個免費既足湯,但葉山溫泉足湯偏遠,小小只去左另外四個。



左至右 (①新湯の足湯,②上山城の足湯,③湯町の足湯,④前川橋の足湯,⑤葉山温泉の足湯)


2008年2月23日星期六

愛餃子,愛宇都宮

宇都宮駅入面已經見到幾間餃子店;
宇都宮駅出面,齋數同餃子有關既招牌都有排你數,果然係餃子之城。

多數遊日光,東北等地,好大機會經過宇都宮,時間許可的話,不妨停一停,諗一諗,喫一喫呢度出名既餃子。

試左兩間:宇都宮みんみん,青源
極力推介宇都宮みんみん既燒餃子,又唔貴又好味,一人前220YEN,即叫即煎,上枱熱辣辣出哂煙,咬落去...唔...總之好味喇,試過你就知。
水餃子反而普普通通,唔試無損失。




青源既特製燒餃子都唔錯,但價錢貴過宇都宮みんみん少少。
比較特別既係はね餃子,夠哂大隻,但味道同燒餃子無太大分別;
青源最特別係,門口擺放一堆餃子用既汁俾人買,我竟然見到有香港既名牌 - 李錦記...

宇都宮みんみん
青源餃子

2008年2月21日星期四

蛋包飯 - ステーキハウス フォルクス

為食小小出發前諗住去新橋既VOLKS喫蛋包飯,去到新橋當日先發現,原來識左多年既阿樂係唔喫荷包蛋以外既蛋。吓?!咁咪無得喫?
好在就得人既朋友唔介意,因為VOLKS其實主打係喫扒,唔係蛋包飯,唔喫蛋包飯可以喫牛扒,豬扒,雞扒...大把你揀。

為食小小一坐低即刻睇MENU,搵蛋包飯。搵左一輪,點解無架?唔通呢間分店無?無奶油既,明明上佢個WEBSITE,入面有架...好在問一問侍應姐姐,原來蛋包飯向另一個MENU度。

叫任何食品,都可以免費食沙律吧;叫任何扒類,可以免費任喫白飯或麵包。
結果點左兩個蛋包飯,兩個扒餐。

蛋包飯:個樣非常靚,同WEBSITE張相一模一樣,味道果然唔錯,上面既牛扒,非常鬆軟多汁,茄汁飯底配牛肉汁,爬到一粒飯都唔剩,正。
自助沙律吧:日本之旅無咩菜喫,難得任食菜,個個都喫得好開心,西蘭花,粟米都好好味。
麵包:新鮮熱辣焗起,好香奶味,脆脆地,搽埋牛油,正。
扒:我無份喫,但聽講都唔錯

咁多樣最正係麵包,ENCORE多兩轉,等耐啲都值得。

ステーキハウス フォルクス
小彭のブログ - 又一新歡(洋食篇)

2008年2月17日星期日

まぐろ市場

話說一年前小號蝗蟲於上野想食刺身丼又唔敢動議
今次重臨上野,適逢大號蝗蟲話肚餓,小號蝗蟲即刻打蛇隨棍上,拿拿臨扮醒諗到去邊樹醫肚 - まぐろ市場

一入到去,MENU都唔使點睇,即刻左市場丼 (950YEN)同
北海道丼 (780YEN)

北海道丼 (780YEN):有吞拿魚碎,魚籽,墨魚,帆立貝,蟹肉



市場丼 (950YEN):樣樣刺身都有啲,魚籽,三文魚,吞拿魚,玉子,帆立貝,蟹肉,墨魚,甜蝦,吞拿魚碎



基本上北海道丼有既刺身,市場丼全部有有齊,無特別偏好又想試多款魚生,市場丼係一個好選擇。

環境唔算得好舒適,但一定唔算擠迫;魚生新鮮,雖然刺身並不高級,但咁既價錢絕對合理同可以接受。
老實說,小小並不建議專程嚟喫,但若然路經想搵食,呢樹係一個好選擇。


まぐろ市場

2008年2月16日星期六

乳頭溫泉鄉 - 妙乃湯

上回講到去左蟹場溫泉,孫六溫泉,今均當然要講下妙乃湯。
乳頭溫泉鄉入面,收費最貴係妙乃湯,裝潢最靚係妙乃湯,
可以上網預約都係得妙乃湯,抵佢貴啲。

坐羽後巴士妙乃湯門口落車,一落車就望見呢個瀑布景。
食事處都望到呢個景,甚至川景既房,露天混浴,貸切風呂都係望呢個景,
唔同既只係角度。


2008年2月15日星期五

乳頭溫泉鄉 - 孫六溫泉

上回講到最近乳頭溫泉巴士站有幾間溫泉,大釡,蟹場,孫六同妙乃湯,
去左蟹場溫泉,今均要試下有秘湯之稱既 - 孫六溫泉。

睇路標都知道,距離孫六溫泉0.8KM,坐車一陣就到喇,
咁就錯喇,頭段幾十米都仲可以架車,後段只有人路無車路,
要落車行入去,唔知係咪呢個原因,所要叫秘湯呢?
其實沿路風景都唔錯,架車或行路,睇下風景影下相好快過。
唔覺唔覺,睇完川景同瀑布,過條橋仔就到孫六溫泉。

2008年2月14日星期四

乳頭溫泉鄉 - 蟹場溫泉




今次東北10日之旅,其中一個目的就係去乳頭溫泉鄉浸溫泉。
由仙台出發去田沢湖,坐JR約1小時20分 (3890YEN運貸,3560YEN指定席),
於田沢湖駅再轉巴士羽後バス (740YEN),大約45分鐘,咁就去到乳頭溫泉鄉。