隔一輪無行山，今日又出動，一行三人由城門水塘往慈雲山。
又行呢條？上次咪行左囉．．．非也，上次行衛奕信徑，今次行麥徑。
今日行既係麥理浩徑第六 (4.6公里)同部份第五段 (10.6公里)，以沙田坳做終點，响兆和街坐82號小巴，終站城門水塘落車，出發。
落車指定動作，放水，影起點，出發。
由城門水塘出發，先行第六段，經過幾個戰壕，走私嶺，金山，九龍水塘，到大埔公路，約一小時輕鬆完成。
過條馬路，開始第五段，經過大埔公路，鷹巢山，畢架山，獅子山，
沙田坳，上畢架山呢段較辛苦，石級較高，但唔太難，呢段三小時完成。
去到沙田坳，當然又要喫個咖喱牛腩飯，熱豆腐花先算完成今日既行山。
BONUS POINT：估唔到，上鷹巢山呢段，發現到响京都銀閣寺見過既青苔。
