2012年3月30日星期五

とん吉 - 丼吉日本吉列專門店餐廳 Tonkichi Tonkatsu Seafood

又唔煮飯,又出街喫飯,仲要喫貴嘢。
今次醒喇,直接影餐牌,有哂價錢有哂名,唔使怕食得飽得滯或食懵咗,無借口唔記得價錢同喫過咩。

左上:吉列鹿兒島特等豚肉定食 - $192
左下:滑蛋吉列豬柳飯 - $178
右上:雜錦刺身沙律配日本膠原蛋白 - $118
右下:將麵豉湯轉秘製日式豬肉湯 - 另加 $32



等食既時候最難過,個肚又失禮地起勢打鼓,指定動作,影吓杯茶同茶壺,分散吓注意力,個肚行雷都都無咁覺。
順手磨吓芝麻,等開動。



先上:雜錦刺身沙律配日本膠原蛋白 - $118
雜錦刺身沙律份量都可以,菜新鮮,刺身無咩雪味,淨雜錦刺身沙律好似$92,多日本膠原蛋白就多廿幾蚊。
日本膠原蛋白近鏡見下圖:好似大菜糕又似啫喱果粒就係日本膠原蛋白。
老實講,膠原蛋白無味無道,食咗又唔覺得白咗滑咗,真係唔識欣賞,呢啲呃錢花巧嘢,下次唔使預小小囉,要個淨雜錦刺身沙律平番廿雞符合師奶小小性格多啲。


好!主菜上枱!!
左:滑蛋吉列豬柳飯 - $178
滑蛋豬柳同滑蛋豬扒一樣$178,但吉列豬柳貴過吉列豬扒,額頭有個〔貪〕字既小小,當然揀滑蛋豬柳喇!!
$178既滑蛋豬飯,真係寧捨好味過人,蛋香,豬脆,汁甜,正!!
若各位blog友間中見到隔離枱有個貌似細佬既肥師奶駁命〔習習聲〕扒滑蛋豬飯,一路大叫好味,呢個好可能係小小,請勿見怪,美食當前,無哂儀態咁扒飯係人之常情啊!!


右:吉列鹿兒島特等豚肉定食 - $192
據財政大臣話,豚肉鬆軟嫩滑多汁,炸粉又薄又脆,當然好味。
其實小小都有偷一舊豚肉喫架,但因為實在太愛滑蛋豬,個腦只記得滑蛋豬好味~~味~~味~~啊~~~之外,差點連老媽子姓甚名誰都唔記得,仲點會記得呢舊炸豬扒既味道呢......


左:將麵豉湯轉秘製日式豬肉湯 - 另加 $32
據財政大臣講,味道濃郁,材料十足,但小小喫完個滑蛋豬飯,實在飽到上心口,連一啖湯既空位都無,所以無試味囉。
右:免費既飯後果-西瓜


埋單連加一,$572。
間唔中一餐,(又貴又槷氣),當奬勵自己都唔錯。

2012年3月24日星期六

健行 - 港島徑第一段 (2012/03/24)

又到港島行山看風景由山頂開始,經盧吉道,夏力道,薄扶林水塘,終點薄扶林道





行完山,坐巴士到深水埗維記,吃個餐肉豬膶麵,加份松記糖水,完美又肥仔的一天又畫上句號

稻荷屋台拉麵 Inari Yatai Ramen

小小的宇宙繼續吹拉麵風。今日試稻荷屋台拉麵 。
十二時多到達,店員兩名,客人一名,不用等位 。
裝潢簡潔坐位不多,很有日本屋台風格 。





點了昔風叉燒拉麵$70 (左),牛油粟米拉麵$78 (右) 及小食香辣炸雞肉球$25 (中)。
近期吃慣了濃味的雞湯拉麵,稻荷清淡的醬油湯底,相對真的很淡,沒甚麼味道,就像小小於家中煮的偷懶公仔麵,白開水加兩滴豉油加色。

沒放味精,湯底味道一般,稍為過於清淡,沒甚味道;
麵粗身帶曲,沒討厭的鹼水味,不俗;
叉燒普通,牛油粟米拉麵比叉燒拉麵多一舊牛油和粟米但少一塊叉燒,感覺上多8元好像不太值;
半熟蛋不是味玉,沒有味道,沒有蛋香,可以不吃;
以為炸雞肉球像快餐店的炸雞球粒粒,上枱時發現是炸雞肉丸,表面不脆,味道像獅子頭 。

全日不用加一,只收現金,路經可以一試,專程吃就不必。

2012年3月17日星期六

八戸屋和食料理

去大埔,為食小小立即動議番兜八戸屋,好想吃碗滑蛋豬扒飯啊,財政大臣當然沒有異議。

去到八戸屋門口,看到是日午餐是咖喱厚切豬扒,日式咖喱又是小小至愛呀,是日午餐的價錢是滑蛋豬的2/3,姑寒兼新屎坑小小立即轉軚,由滑蛋豬扒變成咖喱豬扒,財政大臣又點肥美的燒鯖魚定食。

咖喱厚切豬扒,不是炸豬扒;飯沒有滑蛋豬的多,財政大臣不能由小小的飯碗中添飯;幸好豬扒及咖喱味道對勁,但感覺上都是滑蛋豬較好吃,下次都是吃最愛的滑蛋豬算數,不要貪小便宜,選是日午餐....

燒鯖魚定食味道與一年前的一樣,沒有退步。

下次再去大埔,小小要吃滑蛋炸豬飯!!



2012年3月16日星期五

鳥華 Torihana Again

吃過丸玉只得玉子較出色的雞湯拉麵,心裡一直想再嘗鳥華。
隔了一個星期,心癮難耐,中午趕頭趕命的,趕到鳥華,吃一份lunch set。

中午一碗拉麵,一碗小飯,一杯飲品,沒有set dinner的餃子,索價六十多元,加玉子九元,加一服務費。

再嘗鳥華,雞湯味道依然濃厚,但沒有了初次邂逅的感動,感覺沒有上次的好吃;
玉子依然溏心,但不及丸玉;
貢菜依舊爽脆;
上次吃過又乾又硬的雞肉雞蛋飯,今次一早打定輸數,飯一定不會好吃,但求不要比小小荷包更乾便算,
咖喱炒飯上枱,咖喱香味很對勁!再少試一口,不太乾,味道不俗,可以大口大口吃!!今次反而咖喱炒飯有驚喜喎!!



但整體感覺,沒有第一次的出色,希望相隔久些再試,會重遇第一次的美味感動。

2012年3月2日星期五

Ikea 晚餐

很久沒有吃過ikea餐廳的晚餐,敗家之後,順路醫肚。

雞蓉忌廉湯$9:財政大臣選的吃的,小小沒沾過一口,不能評價
麵包$2:都是財政大臣吃的喇,沒吃過沒意見

肉丸10粒 + 薯仔 $19:肉丸配薯仔,穩陣飽肚之選,沒有失準亦沒驚喜
意式茄醬藍青口 $19: 記得之前吃過藍青口,美味及便宜得沒話說,財政大臣問想吃甚麼,即選藍青口。
可惜,今次再吃,微溫不熱,有沙有碎殼,味道差很遠.....可以算難吃

有機菠菜班戟 $19:又是微溫,菠菜餡初時吃算蠻好吃,多吃幾口後,餡料太濃太膩,餅皮變乾變硬.....
茄汁海鮮意粉 $29:茄汁意粉很好,但海鮮一般

不用加一自助服務,共$97,先付後吃飯,吃飽自已清理枱面
如此便宜的晚餐,夠填肚就好了,不能要求太多,但下次小小只會再點選肉丸,薯條,薯仔,其他,可免則免 。


丸玉

沒錯,又吃拉麵。今次試營業不超過半年的丸玉。

丸玉和鳥華一樣,都是賣雞湯拉麵為主,全店只賣四款拉麵,之前吃過鳥華有驚喜,今次試試丸玉這過江龍是否一樣出色 。
丸玉位置不顯眼,除非由尖東走天橋到紅磡,否則不會留意到如此的商業大廈位置有間食店 。

天橋位置正派發宣傳單張,憑單張入內幫襯可獲免費飲品 。
餐牌只有英文和日文,拉麵有四款,第一次吃點了招牌的丸玉拉麵$75 ,可免費飲用罐裝汽水 / 綠茶 / 桃茶 (冷熱勻可)。

汽水 / 綠茶 / 桃茶,餐牌價值好像$16 ($18?),綠茶和桃茶是茶包沖的,如非免費要付$16,小小一定不會點 。

拉麵上枱,嗅到一股雞湯味 。
有青蔥,紫菜,一塊叉燒,一隻雞蛋 。

先試湯底,無論視覺,嗅覺,都是一碗又香又濃的雞湯,但放入口好像又是另一回事,第一口有雞味,但沒鳥華的濃,再多試幾口,好像越來越沒有雞味;
麵,偏幼,遇上熱辣辣湯底,變得偏軟;
小小比較喜歡鳥華偏濃的湯底及較粗的麵條,相比之下,丸玉較失色喇;
叉燒夠腍,但只得一塊,size又細....多一塊較好;
最出色的是雞蛋,溏心,味玉,正 。


連加一$83,一碗拉麵只得雞蛋較出色,偏貴....小小應該吃鳥華亦不會再來 。