東北手信 - 啫喱

想寫新卜，先發覺咁多東北手信想講又未講，
拿拿聲講完啲舊嘢，先可以講新嘢，所以一日之間出三個新卜，
查實都唔算係新嘢，話哂去完旅行都成個幾月。

呢兩款啫喱都係向青森買，
左邊既係梅酒啫喱，向超市買，
右邊既係蘋果啫喱，向青森県観光物産館アスパム，
價錢唔係太記得，但肯定梅酒啫喱平過蘋果啫喱。

梅酒啫喱：
見到有粒梅，即刻諗起啋吖梅酒，口水都流埋，即買；
味道一般，無酒味，清清地，個樣呃得吓人之外，無咩特別

蘋果啫喱：
又係因為蘋果味產品，小小又敗咗番嚟，
搣開時，聞到好香蘋果味，放入口．．．嘩，咩質地，腍滋滋，質感好差，
好似喫水狀蘋果泥咁，完全唔似啫喱質地，
雖然係有清甜既蘋果味，但唔掂呀

總括嚟講，果啲向手信專門店買既特產，又貴又唔特別，
反而超市買果啲平平哋仲啱口味，
下次都係乖乖哋向超市入貨算數。