2007年7月8日星期日

健行 - 城門水塘 往 慈雲山(2007/07/08)




本來想過一個偷懶既星期天,老公話難得好天,唔行山唔好後悔喎,好,行就行喇。

今日行既係衛奕信徑第五 (7.4公里)同第六段 (5.3公里),响兆和街坐82號小巴,終站城門水塘落車,出發。
途經城門水塘,下城門水塘,穿過城門谷,向孖指徑進發。於孖指徑頂,西望馬灣海峽同大橋,東望獅子山同沙田。經過金山路,繞過九龍水塘,輕微上上落落,完成第六段。
過條馬路,向第五段進發。

行過一條長到痺既引水道,無咩風景睇,通地馬騮屎,烈日當空,體力急劇下降。
沿途見到望夫石,八仙嶺,馬鞍山,針山同大帽山,最後雙腳無力每廿級抖一抖之下上多百零米,終於去沙田坳,喫碗山水豆腐花,飲下紫背天葵作終結。

衛奕信徑