[Day 2] 22 Apr 2026（立山黑部）
酒店早餐06:30開始，10分鐘食完立即Check out，揸5分鐘車去千寿ヶ原駐車場。
連續一星期觀察千寿ヶ原駐車場，大約幾點會滿，如果全部免費停車場都滿哂，可能要泊番架車去酒店。好在今日只係P１滿咗，P２同P３仲有位。
立山黑部四月開山，三月已經要上網搶立山纜車票。開售當日唔夠三分鐘就賣哂頭幾日既纜車票。如果搶唔到網上預售票，就要當日排隊買現場票。
除咗搶唔到網上預售票既遊客，聽聞用JR Pass換飛既遊客，零晨4-5點就去富山JR站排隊嘗試買飛或換飛。如果行程無彈性，建議上網預先買立山纜車票，因為即日排隊買／換現場票，有可能買／換唔到。
雖然上網買咗纜車票(16480円x2)，但乘車前一日或當日，要去呢部機換乘車券先可以坐車。
其實昨天去酒店前，曾經去立山駅嘗試換飛，可惜大約18:15嚟到，過咗售票處營業時間，連自動換票機都收埋咗換唔到，所以今朝又要預留時間換飛。
立山駅售票處前面有電視，顯示剩餘車票班次資料。
立山駅 <> 黑部湖 來回票，16,480円/人。
全部纜車巴士都要用呢張飛上面既QR code，要袋好。
上立山唔夠衫？唔使怕，呢２間朝早７點就開，可以補購。
