2010年8月10日星期二

東北追祭之旅 (DAY11) 上野,香港

31 Jul 2010 - 10 Aug 2010 東北追祭之旅 (DAY 11) 

[Day 11] 10 AUG 2010 (上野 > 香港)

[早餐]
ホテル レインボー
酒店包輕朝食,有麵包方包咖啡橙汁果啲。
酒店好近京成上野,啱哂最後一日坐京成上野走佬!

除咗青森果朝落過雨,今日係旅程第二次落雨,
check-out時,將兩盒急凍牛舌寄存向front desk個雪櫃,
仲有兩件大行李寄埋向樹,front desk都無托手掙,
仲提我地出面落雨,問我地有無帶遮,真係細心!

最後一日,又係指定動作,去アメ横買手信。
點知太早喇,10:00,間間舖都未開,
得上野アメ横 二木の菓子剛開,成條街靜蠅蠅,唯獨有間就開既舖前面排哂長龍,就出動埋龍尾指示牌,
呢間就係彈珠機舖,啲日本人真係好鍾意打彈珠機,
今日係平日,都晨早就有人幫襯,仲要排哂隊,好似唔使做咁


咁多舖頭未開,唯有食多餐早餐喇

[Brunch]まぐろ市場
10:30 本來想去Pepper lunch喫個鐵板牛先走架嘛,
但係去到御徒町駅個位,又搵唔到,唔係咁樣衰呀,又執鬼咗....
都話要做資料搜集架喇,一扮醒靠記憶唔搵資料,
間間都執鬼咗,無得食,樣衰到吖

咁去橋底間まぐろ市場,好在未執。仲有好在
味道都同兩年前一樣



 

2010年8月9日星期一

東北追祭之旅 (DAY10) 宇都宮,上野

31 Jul 2010 - 10 Aug 2010 東北追祭之旅 (DAY 10) 

[Day 10] 09 AUG 2010 (仙台 > 宇都宮 > 秋葉原 > 舞浜 > 上野)

[早餐]ホテル グリーンウエル
酒店包輕朝食,無飯糰,有麵包烚蛋方包咖啡果啲。
其實仙台呢間酒店向正仙台朝市果樹,有心去睇鮮肉蔬果呢啲師奶嘢,住呢間酒店真係perfect架。
但今日要離開仙台落番東京果邊,推住個喼邊走邊望咁,唔睇到啲咩,
下次喇,下次再嚟好大可能住番呢間酒店,到時先慢慢睇,
總有機會喎!

09:44 - 11:05 仙台 > 宇都宮

又落宇都宮,唔使問阿貴都知道去喫財政大臣最鍾意既餃子喇。
小小呢均又懶醒,恃住上次嚟過,隔咗兩年都仲記得間宇都宮みんみん位置,咪唔搵資料囉,....咁就賴嘢喇
去到宇都宮駅,出咗閘好似有啲唔同咗樣,
落咗一層,唔見咗間餃子店既?!

財政大臣同小小都明明記得向呢個位架,點解變咗個商場架?!
係咪出錯東南西北口?行埋另一邊都無喎....
睇嚟,應該係大裝修過,地下兩間餃子店都無咗,但1/F變咗有餃子小町喎,
咁就去餃子小町入面開餐喇,唔喫宇都宮みんみん都可以喫其他既姐。

餃子町入面有幾間餃子店,揀咗宇都宮餃子館。



2010年8月8日星期日

東北追祭之旅 (DAY9) 仙台

31 Jul 2010 - 10 Aug 2010 東北追祭之旅 (DAY 9) 

[Day 9] 08 AUG 2010 (山形 > 仙台)

[早餐]:ソーレ イン ホテルズ
酒店包朝食,唔使煩諗喫咩。
本來諗住都係果啲凍冰冰既飯糰,麵包果啲,點知個飯糰係新鮮熱辣整架。
おばあさん問我地要咩餡,揀咗三文魚之後,
睇住おばあさん向個大電飯煲入面拎飯出嚟整飯糰。
個飯糰整完放上枱面仲出緊煙,喫完即刻要多個喇。






2010年8月7日星期六

東北追祭之旅 (DAY8) 山形 - 山形花笠まつり

31 Jul 2010 - 10 Aug 2010 東北追祭之旅 (DAY 8) 

[Day 8] 07 AUG 2010 (仙台 > 米沢 > かみのやま温泉 > 山形 - 山形花笠まつり)

[早餐]:Good Times Cafe
又熱又怕有嘢咬,成晚都訓得唔好,執埋今日行李去山形住一晚,寄存埋個行李就出去搵早餐喫

訓得唔好,心情都唔好,
唔想諗去邊度喫早餐,就番去仙台駅喫Good Times Cafe 喇。
個餐同兩年前既一樣,仲無加價添 (960円)。



2010年8月5日星期四

東北追祭之旅 (DAY6) 秋田 - 秋田竿燈まつり

31 Jul 2010 - 10 Aug 2010 東北追祭之旅 (DAY 6)

[Day 6] 05 AUG 2010 (八戸 > 秋田 - 秋田竿燈まつり)

[早餐]コンフォートホテル八戸
最後一日喫呢度既早餐喇,喫埋今日,要連埋啲大行李大移動去秋田。

07:09 - 07:47 八戸 > 盛岡
07:58 - 09:31 盛岡 > 秋田

今日早起身,一上車當然係搏命訓,半夢半醒咁轉車,轉完車又即刻訓。
終於夠鐘落車,到秋田。

一出秋田駅,四圍望間酒店向邊,
根據小小預訂時,酒店提供既地圖,應該一出站就係,
但一出站,只見到一座個樣好高檔既酒店,仲好鬼近添。

財政大臣起勢咁問:係咪呢間架?無理由咁近架?無理由咁高檔架?你望真啲個名好喎...
小小自己都唔係好信:行近啲望真啲咪知囉
行近啲望到個日文名:無錯喇,真係呢間呀!

點解財政大臣咁疑惑呢?因為小小向來唔會訂啲咁高檔 (貴) 既酒店,只會訂啲個樣殘殘舊舊 (最緊要平) 果啲酒店,通常要行幾分鐘,唔會一出站就到。

搵到酒店,未夠鐘check-in,寄存咗件大行李就出去霸位先囉。
又係早早就到,條街直頭未有人圈地。
如果唔係見到啲有料指定席,都唔知原來到咗會場。人地未圈,就我地圈先喇!!

又係劈低哂啲架生,就向秋田市民俗藝能傳承館 (ねぶり流し館)出發。
無帶旅遊書,又唔記得拎地圖,兩條傻仔,兜咗個大圈先搵到,
其實路牌同手上唯一既公仔地圖都有指出ねぶり流し館既位置,就係因為唔知道 ねぶり流し館 = 秋田市民俗藝能傳承館,就行多咗好多冤枉路。

搵到秋田市民俗藝能傳承館之前,經過竿燈妙技會場,當然又睇吓人比賽。



2010年8月4日星期三

2010年8月3日星期二

東北追祭之旅 (DAY4) 弘前 - 弘前ねぶた祭

31 Jul 2010 - 10 Aug 2010 東北追祭之旅 (DAY 4)

[Day 4] 03 AUG 2010 (八戸 > 弘前 - 弘前ねぶた祭)

[早餐]コンフォートホテル八戸
今晚住弘前,唔返八戸,要執一日行李。
今日繼續正常三餐,即係早餐又要喫飽啲,努力劈多兩件飯糰

08:52 - 09:54 八戸 > 青森
09:57 - 10:26 青森 > 弘前
其實八戸有直車去弘前,唔一定要向青森轉車,
咁點解小小要轉車?因為班直車早囉 07:10 - 08:53...
早成個幾鐘喎,情願訓多陣,轉車就轉車喇,橫豎轉車只係隔離月台。

10:26 到弘前,拿拿聲搵間酒店出嚟,放低啲行李,然後繼續行程。
又係因為之前賴過嘢,今日放低完行李,又立即衝去霸位。
早起的鳥兒有蟲吃,又霸到第一行,lucky!

霸完位,同財政大臣一路fing,睇睇附近有咩可以當午餐。
行咗幾條街,一係未開,一係唔啱胃口。
小小就動議,陣間都去津軽藩ねぷた村,索性向埋果樹開餐喇!

12:00 去津軽藩ねぷた村期間,咁啱經過日本キリスト教団弘前教会,影幅相先。

2010年8月2日星期一

東北追祭之旅 (DAY3) 角館,盛岡 - 盛岡さんさ踊り

31 Jul 2010 - 10 Aug 2010 東北追祭之旅 (DAY 3)

[Day 3] 02 AUG 2010 (八戸 > 角館 > 盛岡 - 盛岡さんさ踊り)

[早餐]コンフォートホテル八戸
今日無尋日咁癲,呢頭喫完早餐,果頭喫燒海鮮。
即係話,理論上應該到午飯時段先有第二餐落肚,所以早餐要喫飽啲。
一諗到要喫飽啲,小小即刻劈咗兩個飯糰,炒蛋,麵包,菜絲,生果,仲劈多兩杯健美麥茶,一大朝劈咁多嘢,麥茶點健美都無用

2010年8月1日星期日

東北追祭之旅 (DAY2) 本八戸 - 八戸三社大祭

31 Jul 2010 - 10 Aug 2010 東北追祭之旅 (DAY 2)

[Day 2] 01 AUG 2010 (八戸 > 本八戸 - 八戸三社大祭 > 白銀 > 八戸)

[早餐]コンフォートホテル八戸
酒店包早餐,當然要喫埋先出去玩。
呢間酒店個朝食都算唔錯,有飯糰,焗既麵包,蒸既麵包,
烚蛋或者炒蛋,湯,薯仔,腸仔,菜絲,即沖穀麥早餐,
橙汁,牛奶,咖啡,麥茶,仲有橙同西柚添。



以上朝食照片來自官網