勁呀！梅酒

唔使多講，一睇就知呢啲咩嚟喇！！
無錯，係梅酒，
但唔係普通既梅酒，係自家浸兼有名堂既〔勁呀！梅酒〕

最初浸既時候，好有心機咁隔兩個星期轉吓拎吓，
三分鐘熱度過後，隔兩三個月先望吓，
早排，直頭唔記得呢幾枝嘢添

臨近清明，先醒起呢幾枝嘢，
跟住試吓味喇，夠哂梅香但係酸到無朋友，拿拿聲加冰糖，
加完過幾日又試味，再加冰糖，加咗兩三次，終於啱口味，
一枝獨一無二既自家浸〔勁呀！梅酒〕，就咁誕生！！

郊遊 (2011/04/09)

陽光，草地

椰林，樹影

小小無去外旅，只係郊遊．．．．
見到呢個景，去過既都應該估到，小小去咗邊樹郊遊

仲未估到？

睇到呢度，估到喇卦？！
無錯，就係廸廸尼．．．．．隔離既廸欣湖

呢樹草地夠哂多，樹同太陽都非常多，
最適合帶張膠蓆嚟野餐曬太陽。

曬夠太陽，過埋廸廸尼隔離既碼頭影吓相，再入埋酒店兜個圈，
今日散夠心，又夠鐘返歸。