上高地

 [Day 6] 26 Apr 2026（平湯溫泉 > 上高地）

07:00食早餐，07:15食完就即刻Check-out去あかんだな駐車場泊車（600円 24時間），趕07:50巴士。

上高地唔可以自駕，要坐巴士或者的士入去。

あかんだな駐車場<>上高地 巴士（2800円/人）。職員協助之下，唔使2分鐘就買完巴士飛。

如果交通及時間許可，非常建議由首站［あかんだな駐車場］坐巴士去上高地，而非由次站［平湯溫泉］出發，因為次站［平湯溫泉］人非常多，未必有空位上車。

08:15去到大正池。

呢度除咗影大正池，同時可以影燒岳。

一定要上午先可以喺大正池要影到穗高連峰＋倒影。

燒岳＋倒影。

朝早勁凍得5-6度，但影到靚相，凍都抵。

大正池 > 1KM > 田代湿原＋田代池

田代湿原＋田代池

眺望穗高連峰。

田代池 > 1KM > 田代橋

田代橋 > 1.6KM > 河童橋

田代橋 > 1.6KM > 河童橋

嚟上高地唔行的話，大正池落車影相，再上車去河童橋，甚至唔去大正池直接去河童橋。

所以10:00行到嚟河童橋已經人山人海。

行到嚟河童橋已經出哂太陽上到15度，萬里無雲體感溫度更高。

【Trois Cinq トワサンク上高地】

地址：長野縣松本市安曇上高地4468

時間：09:00 - 16:00

上高地屬於長野縣，長野蘋果好出名，呢度有長野蘋果批同蘋果雪糕，行到咁熱當然要雪糕（580円）唔要批。

河童橋 > 2.5KM > 明神橋

【上高地 朝焼けの宿 明神館】

地址：長野県松本市安曇上高地4468明神

星期六及日限定既紅豆糯米糰（300円），食點心順道休息。

明神池入場500円x2。

撞啱有普通話團，明神池祈福結緣要排8-10個人。等普通話團走哂，排1-2個人就可以任影。

明神池 > 3.3KM >上高地巴士站。

08:15大正池起步，13:00上巴士返平湯溫泉。

今日星期日，本來想喺上高地食山賊定食做午餐，見到河童橋附近好多人，GoogleComment 又話高峰時候排隊等巴士要2小時，嚇到午餐都唔食直接坐巴士走。

【アルプス街道平湯】

地址：平湯溫泉巴士站

時間：08:30 - 17:30

返去あかんだな駐車場攞車，再去平湯溫泉巴士站。因為呢度有90分鐘免費泊車，有土產店，又有餐廳可以午餐。

カツ玉子とじ丼(1500円)：滑蛋吉豬飯味道正常無嘢挑剔；

ミニチャーシュー丼＋ラーメン(1500円)：迷你叉燒飯舊肥肉勁厚，口感好爽唔肥膩，平湯拉麵湯底較咸但麵質有口感。

唔使排長龍食飯，仲有鬆動時間行一行平湯溫泉。

高峰時期即日來回上高地的話，唔想浪費時間等餐廳等巴士，可以考慮放棄於上高地午餐，改到平湯溫泉醫肚。