立山黑部（下）天狗平山荘

[Day 2] 22 Apr 2026（立山黑部）

今晚去標高2,300mの山小屋【天狗平山荘】住一晚。室堂有條步道行去天狗平，但冬天成條路俾雪遮哂無可能行，唯有俾530円X2，坐5分鐘巴士。

由室堂坐5分鐘巴士，到。

標高2,300mの山小屋【天狗平山荘】，包早晚餐35,100円。

上次住富士山既山屋無涼沖得床位，無諗過［天狗平山荘］同樣都係山屋，但勁乾淨又舒服，仲有勁靚雪山景。

手繪資料，禮物小毛巾。

公共沖涼同洗面，有乾燥室。

未夠鐘食飯，出去行下影相。天狗平山荘後面有路去弥陀ヶ原，但冬天只見雪唔見路。

夠鐘食晚飯。

晚餐簡單但好味，就咁用檸檬同香草焗魚，唔腥又唔柴。

立山地酒700円。

唔使揸車就要飲番杯。

晚飯後打算天氣好就喺門口影星空，咁高海拔又無光害，星空一定好靚。

但可惜由黃昏開始一直厚雲落雨落雪，星星都見唔到唔使影。

咁唯有去飯廳，睇夜晚會播放立山黑部有關既影片。

越夜越凍，好在房間入面有暖爐，床舖舒服棉被又夠暖，喺2300米高既山屋都有一夜好眠。

唯一要挑剔就係，成圍環境太靜，有耳鳴感。

05:00左右就起身，開始聽到機器聲，見到去室堂既路有除雪車清理道路，咁早就要做準備，立山黑部所有既工作人員都好辛苦。

06:30早餐，麵包新鮮熱辣，無限添加，仲有尼泊爾奶茶。

天狗平山荘，07:30免費車我哋去室堂。諗住咁早可以影多次無人既雪之大谷，可惜成晚又雨又雪，除雪工人叫我哋開放前唔好行去雪之大谷好危險。

無人既室堂站呀！

用番張往復票落山。

由美女平往返室堂既高原巴士，原來都要俾路費！

尋日太多人要趕交通上山睇風景，今日落山則有鬆動，終於可以影番美女平駅同磕印。