冰見 雨晴

[Day 3] 23 Apr 2026（立山黑部 > 冰見）

落山後去千寿ヶ原駐車場攞返架車，就向冰見出發。

【日本一たい焼】

地址：富山県中新川郡舟橋村舟橋169-1

時間：10:00–19:00

一早就去買鯛魚燒。紅豆味唔太甜（港女最高評價），吉士味就香但甜咗啲，275円x2。

富山灣被國土交通省選定為「國家單車道」，雨晴就係其中一個被推薦既單車路線點，嚟到已經見到好多公路單車，同埋單車裝束旅客。

道の駅 雨晴，最出名就係海邊影立山連峰，可惜今日天陰有雨，睇都矇，唔使影。

到此一遊後向氷見港魚市場食堂進發。

【氷見港魚市場食堂】

地址：富山縣冰見市比美町435（地方卸売市場 氷見魚市場 2樓）

時間：06:30–15:00

冰見既鰤魚好出名，呢間食堂開06:30，聽聞啲人05:30就開始排隊。

過左高峰時間，排大約20分鐘就有位。

氷見丼(2080円)，氷見漬け丼(2080円)，白蝦刺身(2980円)。全部定食跟一份湯(土鍋の漁師汁付き)。

鰤魚啱啱過咗造，氷見丼啲刺身無油無味麻麻哋；漬け丼好少少，有醬油醃過有啲味；點到最後一份白蝦刺身，雖然細隻但堅係清甜。

全部定食跟一份湯，湯入面有魚肉有粒勁大既魚丸，魚肉好柴，魚丸有魚味但無咬口，全部菜式最好味就係碗湯。

氷見港魚市場食堂有啲名過其實，唔值花時間排長龍。

道の駅 織姫の里（上）

道の駅 なかじまロマン峠（下）

能登鹿島駅(能登さくら駅)，又名櫻花車站。專登嚟搏下影櫻花水尾，可惜已經吹哂落地，咩都無。

無哂櫻花既櫻花車站。

道の駅 あなみず