中環 (2011/02/12)

又係一年一度過海既日子，今年唔去搵肥叉飯喫，
因為次次都係呢啲時候過海，次次都話喫再興，
點知次次都仲係新春休假緊．．．．．

今年唔去再興摸門釘，去搵豚王。
12:45去到，條人龍起碼五十幾人，好在有帶新玩具，
由得政大臣同老友排隊，小小帶住新玩具去兜圈。

兜咗個圈，條龍無郁過，再去兜圈。
早餐只係飲咗杯薑蜜，飢腸轆轆咁去影相，見到鏞記，
忍唔住企向窗口前面望師傅斬雞斬乳豬斬燒鵝。

兜完第二次圈，前進咗幾個身位，但前面依然有四十幾人等喫麵。
好，繼續兜圈。

再兜遠啲，去o都兩蚊，去搵豆腐花，去蘭芳園．．．．隔離間超市。兜吓等吓再兜吓又等吓，為咗喫碗拉麵，竟然排咗兩個半鐘。。。。。