福丼

丫烏卜痴鬼咗線，明明寫咗個卜唔見鬼咗

發牙痕想喫日本菜，唔想喫板短，見到青衣城有間別府集團既福丼，就去試試。

魚生定食：有飯有麵豉湯
魚生普普通通喇，唔難食但又唔係好好味，但飯就少咗啲
望落去啲飯好似都唔少，但個碗係古惑的碗囉，即係碗底拱起果隻，兩啖飯可以扮好大碗果啲

滑蛋豬扒飯：有飯有湯
豬扒稍薄，炸粉稍厚，雞蛋汁多啲好啲，個汁再甜少少好啲
即刻諗起，咁既價錢有更好既選擇，就係大埔間八戶屋．．．．．

餃子雞翼：唔算好味又唔算難食，味道唔突出到記唔起咩味咩質感．．．．

話說青衣城三樓有間別府集團既拉麵，地下有間別府集團既福丼，小小咁八卦，當然喫飽去八吓有咩咁巴閉，同一商場同一集團開兩間舖自己打自己．．．
一八之下，唓，餐牌一模一樣，連價錢都一模一樣，間無咁起眼既福丼，命運可能係等執