上山市 - かみのやま温泉

因為免費又有時間，去左上山市浸免費足湯。
由山形坐JR去上山市，要向かみのやま温泉駅落車，車程只不過10分鐘左右。
去浸足湯，切記帶抹腳毛巾，真係唔記得的話，向JR駅有間便利店，都有毛巾買。

根據資料顯示，總共有5個免費既足湯，但葉山溫泉足湯偏遠，小小只去左另外四個。

左至右 (①新湯の足湯，②上山城の足湯，③湯町の足湯，④前川橋の足湯，⑤葉山温泉の足湯）

前川橋の足湯：最近車站就呢足湯，近就近喇，但水溫唔夠熱，櫈比較矮，著褸好易浸左落水，唔著的話，浸浸下一陣寒風吹埋嚟都幾係野。

④前川橋の足湯

新湯の足湯：呢個先似樣嘛，水夠熱，位又闊又多，但位於民居中間，浸腳時不宜大聲談笑。

①新湯の足湯

湯町の足湯：呢個雖然細過新湯の足湯，但都大過前川橋の足湯，水都夠熱，同新湯の足湯差唔多，又夾向堆民居中間。

③湯町の足湯

試過既四個足湯中，最正就係上山城の足湯，若果無咩時間又想浸一次，小小推介俾啲啲力行上山，浸呢個足湯。
呢樹又大又多位，水夠熱，風景又靚，望到上山市，又望住上山城，最好就一路浸腳一路吹水，寫意到痺。

②上山城の足湯上山市観光協会ホームページ