乳頭溫泉鄉 - 蟹場溫泉

今次東北10日之旅，其中一個目的就係去乳頭溫泉鄉浸溫泉。
由仙台出發去田沢湖，坐JR約1小時20分 (3890YEN運貸，3560YEN指定席)，

於田沢湖駅再轉巴士羽後バス (740YEN)，大約45分鐘，咁就去到乳頭溫泉鄉。

最近乳頭溫泉巴士站有幾間溫泉，大釡，蟹場，孫六同妙乃湯，

今均我地第一間就試左蟹場溫泉。
入門口放低500YEN，就向溫泉進發。
內湯同外湯分左右兩邊，宜先去內湯，洗乾淨浸暖個人再出外湯。

內湯分男女，每邊有兩個 (岩風呂，木風呂)，內湯一清一混濁，

較混濁的內湯底部有一絲絲好似蟹肉咁既物體浮浮下，極為冼腳，落水要非常小心。
浸暖左個人，係時候向外湯出發。

著好哂衫褲，向外湯指示方向行，見到一排雪鞋放於門口位。
推開門，眼前只見一條雪道，好明顯要換雪鞋先出去。
換好雪鞋，經過一條約50米既雪道，雪道兩旁既積雪約1.5米高，再落幾級樓梯，一間屋仔出現於眼前，原來已經到外湯。

蟹場溫泉既外湯係混浴，間屋仔就係脫衣所，外湯就向正脫衣所旁邊。
脫衣所分男女，但入面無門無分隔，一路除衫可以望到外湯，外湯某啲位置可以望哂脫衣所。
外湯無沖身設備，所以建議浸完內湯先去外湯，向外湯除哂衫就出去用木盆裝啲溫泉水沖沖就跳入溫泉。

外湯介紹：外湯はややほぼ透明で、湯葉のような大きな湯の華が浮いていた。
若干の硫化水素臭を感じ、味は卵のような味
外湯泉水透明，宜用小毛巾遮一遮，雖然小毛巾遮得上遮唔到下，遮到前又擋唔到後，但正所謂聊勝於無嘛，係咁依都要。
不過望住樹境浸溫泉，仲一路落雪，真係疏肝到極，果然係有名既雪見溫泉。

蟹場温泉の概要
乳頭溫泉鄉 - 蟹場溫泉 乳頭溫泉鄉 - 孫六溫泉
乳頭溫泉鄉 - 妙乃湯