日本秘湯守護協會．うなぎの湯の宿 琢秀

[Day 2] 04 Jun 2025（松島 > 仙台 > 中山平溫泉）

好多秘湯既位置超級唔方便，考車牌最大既好處，就係可以去多啲秘湯。

【うなぎの湯の宿 琢秀】

地址：〒989-6832 宮城県大崎市鳴子温泉字星沼20-9

揀咗最平既房27720円+150円x2入湯稅，免費泊車，講明要行樓梯，但無諗過間房正正係溫泉入口上面，方便到飛起。

房唔大，有廁所無沖涼，有小點心。

呢間溫泉泉水超滑，有美肌之湯之稱。泉質滑捋捋，除咗下呂溫泉外，另一個滑不溜手既溫泉，仲有過之而無不及。

溫泉入口。

晚餐揀唔使加錢既普通餐，雞有雞味，條穴子勁大條炸得超靚，唔油唔膩。

加1430円有三杯地酒，雖然唔識飲，唔貴又可以試當地名酒當然要試。

早餐

早餐個豆乳豆腐，超濃豆味。