仙台 みうらやゆりあげ港朝市

[Day 6] 08 Jun 2025（仙台 > 香港）

距離仙台機場只係7公里，只開星期日既朝市，啱哂最後衝刺用，玩埋就可以去機場。。

【みうらやゆりあげ港朝市】

地址：宮城県名取市閖上東3-5-1 ゆりあげ港朝市

時間：星期日及假日06:00 ~ 13:00

就算食唔落，去朝市齋睇嘢食都好開心。

有魚乾同生果，啱哂師奶行。

樣樣都半價，睇見都興奮。

老細見到串燒無抵抗力，即刻話要食。

600円任揀5條串燒過下口癮，但味道一定唔可以同琴晚間備長炭串燒店比，完全兩回事。

老細又遇到另一樣無抵抗力既嘢，燒海鮮。

呢間店只要幫襯佢買海鮮，就可以免費用佢門口４ 個炭爐。

扇貝300円隻，蠔200円隻，北寄貝400円隻。仲有專人幫你燒埋，撓埋對手等食就得。

ゆりあげ港朝市 除咗海鮮生果乾貨，最特別仲有拍賣。

5日行咗925公里，入咗9000円油，ETC 7960円。

交通費無計過平唔平，但自駕就係方便，去到以前一日得一班車或無巴士既山旮旯地方。

行高速公路勁多雀屎、昆蟲食哂落車頭同側鏡，還車前有諗過係咁易抺兩下唔好咁辛苦人，原來ORIX還車後有自動洗車（唔係人手抹），即刻安樂哂。

ORIX還車後有專車接送返機場。

仙台機場，食飽盛岡冷麵先慢慢上機。

６日東北之旅，完。