戀上 馬爾代夫 (DAY 2) PART 3 (Constance Moofushi Resort))

02 Jun 2011 - 07 Jun 2011 戀上馬爾代夫 (DAY 2) PART 3

---

[Day 2] 03 JUN 2011 (Constance Moofushi Resort)以下係小小唔知向邊樹偷番嚟既鳥瞰圖！
小小今次入住既122號房，係右手邊既water villa。
左手邊都有排痴住senior water villa既water villa，呢邊就麻麻哋喇！容後再講！

好，先嚟巡吓小小住果邊既WATER VILLA先。
呢度係water villa既盡頭，有幾張木櫈，
日頭可以坐向度望住清涼 + 冰藍李施德林色既海水扮悠閒，
呢樹仲有條扶手梯可以落水，唔用自家water villa落水梯，可以向呢樹落去玩浮潛，

晚頭可以坐向樹睇星星。

再行番去近reception位置回望water villa

雖然今日天色麻麻，但無礙向馬爾代夫影靚風景，
無論手上既係單反定傻瓜機，基本上只要有相機，隨手都影到靚相，
因為呢度既風景實在太靚喇。
讀得書少既小小，除咗個〔靚〕字，真係唔識用其他形容詞嚟形容眼前既一切，
嚟緊既blog，將會重覆又重覆，講完又講，
同一個字：靚
或者係兩個字：好靚
或者三個字：嘩！好靚

只係睇自己入住果邊既water villa，又點會滿足到咁八卦既小小呢？
當然要fing一個圈，八哂成個島既環境。

呢幅相近右手邊個屋仔，就係痴住senior water villa果邊既water villa，
點解小小頭先話呢邊麻麻地？
大家細心望吓，點解water villa向沙上邊，唔係向水上邊既咩？
咁條私家梯點落水？可以，落完沙地行出啲再出啲咪有水囉

好，八咗個圈，拿拿聲去喫個午餐，喫飽就落水同魚仔玩。

[午餐]："MANTA" - MAIN BUFFET RESTAURANT

呢間酒店既package包早午晚三餐，紅酒白酒果汁汽水礦泉水全包，全部向Manta度喫，係自助餐形式。

午餐種類唔算多但又唔係少，有披薩，炒飯，意粉，咖喱，牛 / 羊，菜，小食冷盤 (小食冷盤質素麻麻)，生果，甜品，即撈沙律，即煮意粉，麵包

最好味係即煮意粉，小小食過第一次之後真係不能自拔．．．

食飽飽，拿拿聲返房換衫落水玩喇！！
但返到房，多咗枝用冰桶裝住既香檳放咗向枱，仲有兩條生果串添！
雖然啱啱喫飽，都忍唔住開枝凍冰冰既香檳，嘆一嘆先～～

順手當然喫埋兩條生果串喇～

好喇，夠喇，快啲落水喇！
馬爾代夫之旅要落水架，唔係齋喫嘢架！？！

雖然自己預備咗mask同snorkel，但喫飯之前都向水上玩具中心借咗mask，snorkel同埋fins，因為唔使錢嘛，唔使錢當然借定先喇，救生衣則房裡面個衣櫃有兩件，唔使借。

點解無端端提起呢啲浮潛玩具？一嚟因為constance moofushi resort呢樹借唔使錢，二嚟就係．．．小小自備既cheap雞玩具，落水兩下就入水，唔知係啲玩具有問題，定係小小塗得太陽油多得滯，所以入水！

唔伸個頭落水都唔覺，原來有好多魚！！
有大有細，咩色都有！
成日以為海洋公園個水族館好擠迫，啲魚好慘，條條都係擠迫戶，
但原來現實真係咁多魚架！！

註：
- 潮漲時水較急，宜著救生衣先落水，潮退時都宜著救生衣，因為隨時擱淺都有救生衣擋一擋，唔怕磨到水底啲石