士林台灣麵

上回大西北一日遊，只講咗玩，未講食，繼續．．．
大西北非我地頭，焉知有咩正嘢喫？唯有求openrice神指點明燈。

根據openrice神網上顯靈，大坑渠附近有間多人均求得好籤既士林台灣麵，
就去試試喇。

先嚟排骨乾拌麵，排骨，即炸豬排也。
味道，無咩特別，唔算好食，亦非難食。
乾拌麵，如圖，無湯既麵加柱仔青瓜絲，加啲豉油，拌均食。

紅燒牛肉麵，較排骨乾拌麵出色，
牛肉腍，比坊間一般台灣牛肉麵更似台灣牛肉麵，可吃

豬手，普通過普通，可食可不食。

埋單唔使加一，喫飽飽，繼續用埋是日最後一程全日通，返歸。