健行 - 花山 (2011/03/26)

又隔一輪無行山，難得有人諗埋兼提議埋去行花山，
襯住剛小測完未到大考，就去行吓山影吓相影吓model。

本來諗住由藍石開始，上山落山，睇破邊洲，跟手落撿豬灣，
再劈番上花山再過白腊，點知．．．．．．

上山無耐就開始狂按快門

見到六角柱石又開始擺model陣

狂浪拍岸拍得咁開心，擺個model等浪，細浪唔夠靚，大浪又要走佬，
又怕濕身濕腳又要影浪花，真係麻煩。

咁樣擺一擺陣，等吓浪轉吓姿勢，咁就攪咗成個鐘，
急上番山轉陣地去睇破邊洲既風琴壁。

上到高地，當然又開檀擺陣影model，又大風又凍，吹到流鼻水又吹跌model．．．

影完model抖抖，回望頭先點過嚟
剛才就係走過下面張相右方中間堆亂石，再行？條似路非路既山路過嚟
剛才落山，短腳小小要座低身落床咁既姿勢落山，
陣間上山．．．．爬？擒？．．．．都唔知點上番去

唔理咁多，再落檢豬灣

一個風琴壁，一個檢豬灣，咁就逗留咗三個鐘，
兩點半先開始行，三個鐘已經五點幾，個天都黑黑地，
要趕天黑前走，就趕唔切再上花山再落白腊，唯有原路撤退，
擒番上頭先堆亂石，去番藍石，再坐車走。

下次，一定會再嚟，行埋未完成既花山。