健行 - 灣仔 往 海下(2008/01/01)

行山 - 灣仔 往 海下(2008/01/01)

是日一行八人去左行山兼試相機。
人物有龍生龍太，龍妹阿輝，阿麻阿藍，我兩口子。
由海下開波出發去灣仔，聞說海下灣潮退會見到海星，我地仲見到海參添。
睇完海星海參，向灣仔營地出發。

根據MARK哥既行山遊記，向灣仔營地附近可以拾到特大松果，果然不負所望，老公大人搵到一個又大又靚既松果殼。

去到中間位置，有小徑通去棺材角，但有關指示牌已經拆左，我地唯有根據人地留低向樹上面既指示，摸下行下先去到棺材角山頂位置，老公大人先行探路，但回報棺材石要爬山游繩先可以去到，仲話途中要爬既石有我個人咁高，聽到呢句，心都沉埋，為免落左去上唔番來，唯有企向度影相，等龍生，老公大人同阿藍落去玩。
返到屋企再參詳MARK哥既資料，發現〔 棺 材 角 的 棺 材 石 真 多 ， 有 大 有 小 ， 式 式 俱 備 。 由 於 下 石 灘 的 路 峭 斜 ， 小 童 及 長 者 不 宜 前 往 〕，果然小童及長者不宜前往．．．

玩夠抖夠，返轉頭行埋灣仔，返出海下，再坐小巴出西貢，食個下午茶又返歸。

*呢次試相機之旅，龍生龍太部CANON 860IS即日瓜柴，行完山拿拿聲去換，而 NIKON D40X啲顏色真係好掂，海夠藍草夠綠，讚呀！