2010日本東北追祭之旅 - 妄想加入行程 (9) - 十層漢堡

財政大臣早個星期無拿拿問，記唔記得向日本喫過間叫"籮"咩咩漢堡，
講到食嘢喎，為食小小實記得喇！！

小小仲記得喫咗個特價中既蟹堡，條薯條熱辣辣，出哂煙，脆卜卜添！

財政大臣唔知向邊樹聽到，阿"籮"咩咩出咗個十層漢堡，約1000円。
正常包每加一層加一百円，鍾意加幾層都得

呢個期間限定唔知做到幾時呢？
若果夏祭期間仲有，唔知財政大臣會加到幾多層呢？

ロッテリア｜LOTTERIA

後記：秋田，山形，仙台都有分店，開到22:00，有宵夜喫囉

懶人焗薯皮

日頭煮個五香肉丁餐蛋麵，一罐餐肉一罐五香肉丁，
一餐邊喫得哂，喫淨既餐肉同五香肉丁，拎嚟焗薯皮用，搞掂。
薯皮呢家嘢真係好鬼百搭又啱哂懶諗喫咩餸既人。

材料：
1. 薯皮幾隻
2. 小半罐五香肉丁，兩塊餐肉切粒備用，腸仔切粒備用

做法：
1. 預熱焗爐
2. 向雪櫃拎啲薯皮出嚟
3. 將啲切哂粒粒既餐肉，腸仔，五香肉丁放入薯皮
4. 推入焗爐二百零度上下火焗廿分鐘
5. 叮一聲，禮成

淨喫樹皮咁慘？！煎多幾隻雞翼咪好睇啲囉！

材料：
1. 雞翼剪走邊肥皮備用
2. 丁丁鹽，丁丁蒜粉

做法：
1. 平底鑊中火唔落油
2. 掉哂啲雞翼落去冚蓋
3. 雞翼開始出油出水轉細火
4. 煎熟後掀開蓋
5. 煎脆兩面落丁丁鹽同蒜粉，搞掂

有薯皮有肉，飯都唔使煮，飯後喫番啲生果，簡簡單單咁又一餐
雖然成餐都係啲罐頭同雪藏嘢，但唔係餐餐喫又有咩所謂

2010日本東北追祭之旅 - 妄想加入行程 (8) - 我愛DISCOUNT

呢期小小好勤力咁，搵番上次啲東北資料，睇吓邊啲可以番兜用得，

尤其係果啲電視框券呀，割引呀，送禮物券呀，送嘢食嘢飲呀．．．果啲。

點知，又俾師奶小小搵得番又用得著喎

。
東北旅遊優待卡

東北包括角館呀，秋田呀，青森呀，盛岡呀，八戸等等等等，
今次向正呢啲地方睇夏祭，總有一撻地方用得著囉。

以下只係小小啱用既優惠，唔係北東北淨係得下面既優惠．．．
八戸連坐巴士都有半價，正呀

．．．

角館

施 設 名	角館歴史村　青柳家
特典内容	英文・韓国語・中国語パンフレット差し上げます

施 設 名	有限会社　角館桜皮細工センター
特典内容	特別価格から更に5%引き（１部商品を除く）

施 設 名	稲庭古来堂青柳家
特典内容	お食事10%off

秋田

施 設 名	秋田まるごと市場
特典内容	粗品プレゼント

施 設 名	（株）菓子舗　栄太楼　幸町店
特典内容	10％割引いたします。

青森

施 設 名	青森県観光物産館アスパム
特典内容	9:00～17:00まで入館料50％割引

施 設 名	アスパム物産
特典内容	1,000円以上お買い上げの方に缶飲料プレゼント

施 設 名	青森県漁連アスパム直販店
特典内容	10％割引（活ホタテを除く）

施 設 名	中三青森本店
特典内容	衣料、アクセサリー、日用品及び雑貨は10％割引、旅行代理店、タバコ、 切手印紙類、ギフト券、セール品、その 他一部の商品については割引適用外。 1階のサービスカウンターにて割引証を受け取り、商品購入時にご提示下さい。

施 設 名	青森県立郷土館
特典内容	記念品

施 設 名	青森市森林博物館
特典内容	お土産

八戸

施 設 名	南部バス（株）
特典内容	50%割引（端数切上げ）但し一般路線バスのみ（高速バス、貸切バスは除く）

施 設 名	八戸市市営バス
特典内容	50%割引（端数切上げ）

田沢湖

施 設 名	田沢湖共栄パレス
特典内容	おみやげ品　10%（一部商品は除く） お食事の方　ソフトドリンクサービス

施 設 名	田沢湖レストハウス
特典内容	当社運営遊覧船高速艇たざわ　大人￥1,170→￥1,060 小人￥590→￥500　に割引。 田沢湖レストハウス食事ご利用の方コーヒーまたはソフトドリンクサービス

後記：
師奶小小為咗確保有得用，唔知醜咁send咗啲九唔搭八既日文去問人係咪真係用得，以下為部份回覆。

2010/06/21
小小：ウェルカムカード利用はできますか?
八戸市市営バス：
いつも八戸市営バスをご利用いただき、ありがとうございます。
お問い合わせのありましたウェルカムカードは
八戸市営バスにて利用することができます。

八戸市営バスのご利用をお待ちしております。

2010/06/25
南部バス株式会社：
一般路線バスにてご利用いただけます。（高速バスは除く）
ご利用の程、宜しくお願いいたします。

南部バス株式会社

2010日本東北追祭之旅 - 妄想加入行程 (7) - 食盡八戸

嚟緊既東北追祭之旅，因為唔想搬酒店同埋根本訂唔到想訂既酒店既關係，
將會連日向八戸打躉。

每日既行程就係倒塔咁早起身，坐車，霸位，等睇祭，半夜先返酒店，
密密麻麻兼連日既坐車霸位睇祭活動，令到個超級迫既行程迫上加迫，
連食飯既時間都唔知有無？！

日頭無時間食飯？！唯有夜晚返酒店附近食飽啲，好等第二朝有氣有力再衝過嘛！
返到酒店附近，斷估都差不多十點零十一點，
呢啲時間，香港地就話仲有大把嘢食，
去過日本都知道，八點零九點啲人好似消失哂咁，條街人影都無隻，
食店好早就LAST ORDER收舖，
最閉既係，八戸比較旺同埋多啲比較開得夜既食店向三日町果邊，
近本八戸駅而唔係八戸駅，
住八戸駅附近都唔知向邊樹搵晚飯食，宵夜更加唔使諗！！

真係有啲擔心，圓碌碌既小小，去完追祭會變咗排骨返嚟．．．．

希望連日既打躉，有啖食之餘，
貪心啲有埋宵夜呀通宵便利店呀通宵超市呀咁果啲，就好喇！！！

後話：stone大人一言驚醒夢中既白痴小小，小小向Lawson網站搵到八戸駅前有分店喇．．．有杯麵做宵夜啊！！！好感動呀!!!!

trattoria NOBILDUCA

又到一年一度人出錢我出命既日子，揀咗間意大利菜開刀。

免費既麵包，點吓醋點吓橄欖油，填吓個肥腩先。

HKD98 Caesar Salad - 凱撒沙律配野生蝦及香脆意大利煙肉
沙律菜普通，煙肉夠哂咸脆，隻蝦最正，夠大夠彈牙鮮甜

其實麻麻地想點飲品，不過財政大臣話好耐無飲過cocktail，咁是但喇．．
高杯：HKD68 Blue Sky 有咩酒咩料同橙，有啲橙味咁囉，
小小只係識飲啤酒梅酒，呢啲雞尾酒唔識分唔識飲
矮杯：HKD68 Kamikaze 有咩酒咩料同青檸，有青檸味咁囉．．．

HKD58 是日精選餐湯 - 南瓜湯：香，濃，少甜，小小最鍾意呢種杰撻撻既南瓜湯

HKD88 海鮮湯配雜菜絲：好鮮甜既海鮮味，啖湯夠濃口，有蝦，青口，帶子，鍾意海鮮既一定要點呢款湯

HKD148 Ravioli 鵝肝黑松露意大利雲吞：食過幾款菜都話有黑松露，
但到而家都係唔知黑松露係咩味，呢款雲吞有鵝肝陣膶味，
但一樣食唔到黑松露係咩味．．．．

HKD188 Veal Shank 燴牛仔膝配藏紅花意大利飯：
一上枱，同財政大臣你眼望我望，打哂眼色：好香呀！！！！
切開放舊牛仔膝入口，又唔覺得好香喎！！
點解咁神奇既呢？小小推斷香味全部來自啲汁

牛仔膝中間有把刀仔插大脾既物體，其實係隻小匙！！
隻匙要嚟做咩？要嚟畢骨髓架！！！！！！！
啱哂鍾意啜骨既財政大臣呀！

點菜時怕唔夠食，侍應先生建議點多個side dish，
介紹呢個HKD42 Button Mushroom 焗香草白菌：
白菌新鮮，加啲香草同欖油焗已經好好味

最後點少得一道甜品HKD78 Chocolate Flan 流心朱古力配香草雪糕及薄荷雪芭
朱古力夠流心，唔太甜，
薄荷雪芭陣味好似細個偷飲支薄荷酒咁味，
香草雪糕似為係普通雲尼拿味，但又唔太同喎，好香好滑唔死甜

埋單連加一HKD920，多謝財政大臣出錢，鳴謝小小出命

，
嘆咗一餐人生第一餐正式意大利菜。