哈斯普蘇女王大殿 Hatshepsut Temple

[Day 11] 5 Jul 2024（哈斯普蘇女王大殿 > 帝王谷）

早起的鳥兒有蟲吃，無時間坐熱汽球，但竟然喺酒店望到熱汽球升空，睇咗當玩咗。

哈斯普蘇女王大殿 Hatshepsut Temple。

除咗入場券，仲要買電車 Taftaf券，團費包埋，無理由40度有車唔坐自己行。

團魂。

唔影模型，根本唔會知成個女王大殿係咩形同有幾大。

開羅既法老王墓穴係金字塔，而樂蜀既法老王墓穴全部起哂喺帝王谷Valley of the Kings呢個山頭下面，而唔係金字塔？

因為呢座山個山頂已經係天然既金字塔！

呢個獅身人面雖然顏色好假，但導遊重申，顏色係3千幾年前既，無後期加工。

牆邊呢個動物頭，其實係出水口，用嚟排走積水，足以証明，幾千年前既埃及並唔係沙漠。

女王大殿既壁畫，除咗植物，仲有好多海洋生物，有龜、蝶魚、魷魚、龍蝦。

Osiris 雕像，主管生育、農業、死亡、死後生命、復活等等 之神。咁multitask ，呢個神都好忙。

古埃及女神 哈索爾 Hathor。

哈斯普蘇女王大殿 Hatshepsut Temple

整體有三層，最高層復修度比較高，上述既壁畫同雕像全部喺最高層。