帝王谷 Valley Of The Kings

[Day 11] 5 Jul 2024（哈斯普蘇女王大殿 > 帝王谷）

團魂。

帝王谷呢度暫時掘到六十幾個墓，入場門票包參觀其中3個。

樂蜀既法老王墓穴全部起哂喺帝王谷 Valley of the Kings呢個山谷下面。

就咁講無咩概念，但睇下呢個模型，呢堆深入地底既超級地下城，就係帝王谷既墓穴群。

越睇得多古跡，越覺得古埃及一係有外星人助力，一係曾經有過地球不再存在既力量同文明。

墓穴入面唔可以有導遊講解，入墓穴前導遊為咗俾個概念我哋，開咗1套明信片，大約講咗墓穴主人、參觀重點，最後當然問下有無人要買1套😆。

K.V.11 Rameses III

前面KV代表第幾個被發掘既墓，後面係墓穴主人。

第11個被發掘，拉美西斯三世。

頭先導遊好似有show過呢幅壁畫postcard講故仔，本來唔肯定，但有2個貌似工作人員既埃及人，經常有意無意咁喺呢幅壁畫前面，阻擋遊客影相或者收錢幫人影相，咁就肯定呢幅嘢要影😆

KV11有3條走廊，走廊盡頭係巨柱大廳，石柱上全部都係壁畫，再入就應該係墓室（不准進入）。

K.V.6 Rameses IX

第6個被發掘既墓，拉美西斯九世。

今次記得影門口既介紹圖。

導遊話過墓穴入面既壁畫內容，通常描述同太陽神有關既書，Book of Gates，Book of the Earth，Book of the Dead等等 當中既章節。

除咗2邊牆外，連天花都係壁畫。

個個團友見到呢幅畫，都認得頭先導遊用postcard介紹過，因為壁畫一柱擎天部份被挖走🤣，太令人印象深刻。

右邊果位頭頂咁大個太陽，手拎生命之符，一睇就知係太陽神 Ra。

導遊講過，睇蛇頭方向就分辨到，呢條蛇係守護神定敵人，好明顯，同一方向就係守護神，面對面就係敵人。

K.V.2 Rameses IV

第2個被發掘既墓，拉美西斯四世。

KV2 介紹圖

墓穴一個比一個壯觀，好在有跟導遊指示既次序睇。

KV2 走廊盡頭既墓室既天花係God Nut，呢幅畫係手信店既草紙畫上面經常出現。

KV2 無論完整度，顏色保留度非常高。

墓室正中有巨大石棺，石棺入面無咸魚。

埃及古跡真係好好睇，但一次過唔可以睇太多，否則會超級混亂。

最後一個所謂景點，曼儂巨像 Colossi of Memnon，落車>打卡>上車，完😅。