銀座梅林

一睇相唔使多講都知，小小去咗喫銀座梅林。
試吓呢間昭和二年創業既吉豬，同とん吉比較吓，睇吓邊間好味啲，
順手慶祝埋n周年紀念日。

荒死好多人，一收工即刻碌去開飯。
18:10 去到，人影都無隻，侍應講明19:30還枱．．．．
是但喇，兩丁人，個半鐘夠哂食。

餐廳入面黑麻麻，發雞盲小小睇餐牌睇得好辛苦，
有散光既同類就明白，光線一唔夠，睇嘢就懞查查，財政大臣話呢啲叫氣氛喎．．．．

點咗兩個定食，一客黑豚豬柳，一客吉烈黑豚，加多客人人話必食既吉豬三明治。

豬扒三明治HKD68：麵包算鬆軟，但可以更好；配少芥茉味既醬，味道OK；
吉豬唔脆但熱，但無想像中好，
預期會有外層鬆軟既麵包，包住脆卜卜既吉豬，以為一啖會有唔同層次既口感，可惜無．．．．有啲失望，非必食item


黑豚豬柳定食：有飯有湯有椰菜絲有醬菜
飯：日本米要黏口唔爛，呢碗飯唔止黏兼仲好爛，唔合格
麵豉湯：有白蘿蔔紅蘿蔔魔芋，可以
黑豚豬柳：外脆內軟有肉汁，OK OK

黑豚吉豬定食：一樣有飯有湯有椰菜絲有醬菜
飯：一樣爛，唔合格
黑豚吉豬：OK OK，但同豬柳一比，明顯較乾同鞋，要食較嫩既豬，喫豬柳好啲

埋單HKD433，下次再食只會點黑豚豬柳。