松葉蟹柳蟹子沙律

年廿八唔得閒洗邋遢，留番年廿九做。

掃地拖地抹抽油煙機抺微波爐抹雪櫃抺廚櫃洗廁所洗企缸洗洗手盤；
換牀單換豆豆袋換被袋掉轉牀肉洗牀單洗豆豆袋哎呀原來無換被袋．．．
做完咁多嘢當然要喫餐好既慰勞是日咁辛苦洗邋遢。

即刻落街買枝溫室青瓜 $6.9，發現是日惠康可能買嘢唔使錢，
嘩！啲師奶阿伯阿姑阿婆，排哂長龍買生果買禮買米買廁紙，
平日無人排隊無人買嘢架嘛，攪到小小落街買條青瓜仔買咗成個鐘．．．．．．

用生水洗青瓜($6.9)再用熟水過一過，批頭批尾唔批皮成條刨絲，
放兩條松葉蟹柳(~$7 / 4條)，放一堆蟹籽(~$5)，
一碟蟹柳蟹籽律(~$19兩碟)咁就攪掂。