深井裕記大飯店 之 燒鵝有難

行完山有咩好做？又餓又倦，當然要開大餐喇。
開大餐有咩好選擇？去深井當然要喫燒鵝喇。

一坐低，就即刻叫野食
燒鵝半隻$150：皮脆肉嫩，上碟仲熱辣辣，唔太肥，正
酒釀鵝肝：普普通通，食唔出有咩特別
豉油皇炒腸雜：咩內臟都有啲，豉油皇加芽菜炒，濃味選擇
椒鹽鮮魷：香脆唔韌，香口嘢永遠搶手，轉個頭就喫哂
裕記小炒王：西芹，菜頭，腰果，帶子，鮮魷，炒埋一碟，稍為多油
腐乳通菜牛肉：好腐乳，好通菜，都係多油
上湯莧菜：普通嘢，無咩好講
瀨粉：瀨粉當然要配燒鵝．．．．汁喇，喂！！淨番兩滴燒鵝汁嚟好喎

5罐汽水，7個人，茶芥咖一，埋單$691