老公大人，生日快樂。
2008年1月10日前，手持香港身份証或香港出生證明書，可以生日當天免費遊覽海洋公園，有著數唔好執輸，拖老公大人去玩返轉。
咁多年無去過，今均去主力玩新野，第一站當然帶埋DONALD去踩大熊貓個場。
食野個隻係安安，訓覺果隻係佳佳，一齊食野果兩隻係盈盈同樂樂，點解我咁醒分到邊隻打邊隻？咪就係人地有寫出嚟嘛～
2008年1月10日前，手持香港身份証或香港出生證明書，可以生日當天免費遊覽海洋公園，有著數唔好執輸，拖老公大人去玩返轉。
咁多年無去過，今均去主力玩新野，第一站當然帶埋DONALD去踩大熊貓個場。
食野個隻係安安，訓覺果隻係佳佳，一齊食野果兩隻係盈盈同樂樂，點解我咁醒分到邊隻打邊隻？咪就係人地有寫出嚟嘛～
踩完大熊貓個場，聽到廣播登山纜車排長龍，我地當然唔坐住，去睇下兒童王國睇下野先喇。
去到發現旋轉木馬變哂做旋轉熊貓，好肉酸呀！！！
兒童王國隔離就係雀鳥劇場，但睇完熊貓趕唔切睇雀仔表演，唯有影張相就算。
睇哂野當然要坐纜車喇，頭先就排長龍，而家都要排，但排左唔使半個鐘就有得坐。
一落車就去睇另一樣新野，水母萬花筒。
入面既水母種類好多，人好多，相機又好多，但入面環境好暗好迫，影既水母相唔係咁靚。
上次睇水母向登別既MARINE PARK，兩度相比，登別既水母種類無咁多，但係個水母館就大過海洋公園，人都少好多，睇得舒服啲。
睇完都一點幾，搵左灣景餐廳開餐。等位等左半個鐘，腳都軟埋。
揀左個星洲炸魚柳，老公大人就揀南乳燒春雞，$68一客，唔包野飲，本來想買枝汽水，睇真啲，嘩，一枝大汽水$28，一枝綠茶又$28，7-11都賣$9姐，賣$28，真係買唔落手。
味道都OK，雖然要$68一客飯，但望住個南中國海開餐，算數喇，出邊海境餐廳都要咁既價錢。
食飽飽，行下鯊魚館，細時覺得鯊魚館好大好多野睇，今次睇番原來一個圈就睇哂，細個，真係易滿足。
跟住行下海洋館，啲大陸同志又嚟，地方其實唔太迫，但好多人，佢地又推，睇到無哂心機。
行行下仲有人放臭屁添，唉，真衰，拿拿聲速逃。
速逃期間發現有流冰天使，跟住醒起早輪話一批北極朋友進駐，包括有北極狐，但係搵唔到。
睇完野行過見到炸雞粗薯條，一見到粗薯條，兩隻為食貓又盡顯本性，雖然頭先既午餐仲未落格，但粗薯條實在太吸引，唔喫點對得住自己，但呢客下午茶就貴囉，盛惠$40大洋。
睇完食完野當然玩下新機動遊戲 - 跳樓機。
排左唔使15分鐘有得玩，放低哂所有野，諗住玩得，突然聰明左，記得自己著涼鞋，除埋先好玩，陣間飛走左隻涼鞋，唔知去邊樹執番。
玩完就去海洋劇場搵位坐，等五點果場，等呀等，一個鐘就咁過左，終於有得睇。
以前有殺人鯨海威坐鎮，海威死左之後，而家得番海豚同海獅，但都好好睇。
睇完都開始天黑，走去睇埋太平洋海岸既海獅，走去玩埋個越礦飛車，睇埋日落，返歸。
