東北，我返嚟啦！
2025年6月9日星期一
2025年6月8日星期日
仙台 みうらやゆりあげ港朝市
[Day 6] 08 Jun 2025（仙台 > 香港）
距離仙台機場只係7公里，只開星期日既朝市，啱哂最後衝刺用，玩埋就可以去機場。。
【みうらやゆりあげ港朝市】
地址：宮城県名取市閖上東3-5-1 ゆりあげ港朝市
時間：星期日及假日06:00 ~ 13:00
就算食唔落，去朝市齋睇嘢食都好開心。
有魚乾同生果，啱哂師奶行。
2025年6月7日星期六
食在仙台
[Day 5] 07 Jun 2025（八幡平 > 仙台）
今日無咩行程，只係由山區返市區，途經OUTLET睇下有無平嘢執，見大型SＡ就去抖抖。
每次經過比較大既SＡ都會停車休息，呢個SＡ仲有前沢牛肉餅380円，當然要買舊牛肉餅慰勞下老細。
去到仙台無理由唔食牛舌，但仙台駅附近幾間（伊達、利久、善治郎、司）都食過，搵間遠啲又未食過既新嘢。
【牛たん 若】
地址：〒981-3133 仙台市泉区泉中央4-19-3
時間：11:30 ~ 15:00，17:00 ~ 21:00
牛舌３枚定食2340円，牛舌４枚定食2840円。
仙台既牛舌餐廳，間間質素都唔差，只要夠熱夠厚就大多數都好味。
2025年6月6日星期五
日本秘湯守護協會．藤七温泉 彩雲荘
[Day 4] 06 Jun 2025（久慈 > 北三陸 > 久慈 > 八幡平）
標高1400米既秘湯，藤七温泉 彩雲荘，睇龍之眼既季節經常full booking。
【藤七温泉 彩雲荘】
地址：〒028-7302 岩手県八幡平市松尾寄木北の又
今日人品好，睇到龍眼，酒店full booking下仲可以泊到門口車位。
期間限定．八幡平龍之眼．ドラゴンアイ
[Day 4] 06 Jun 2025（久慈 > 北三陸 > 久慈 > 八幡平）
橫跨岩手及秋田縣既「八幡平Aspite Line」，係好出名既的絕景公路。駕車人士好鍾意行呢條路，可眺望岩手山，同埋火山地貌。
上到標高過千米既八幡平，六月山頂仲有積雪。
左邊秋田縣，右邊岩手縣。
2025年6月5日星期四
八食センター Again & Again
[Day 4] 06 Jun 2025（久慈 > 北三陸 > 久慈 > 八幡平）
【八食センター】
地址：〒039-1161青森県八戸市河原木字神才22-2
無錯，又係八食市場，老細每次去青森都要求去八食市場燒海鮮。
仲要每次都開一編文章俾八食市場，足以証明我哋對八食市場既愛有幾深。
去八戶一定要食當地既扇貝(1200円3隻)，同魷魚(1300円隻)，又平又大隻。
仲有倉石牛。肉檔除咗倉石牛，仲多咗串燒，啱哂ＢＢＱ。
全部海鮮都係刺身級，可以生食又可以BBQ，唔怕唔熟會肚痛。
蠔勁肥美，生食係王道。
北三陸
[Day 3] 05 Jun 2025（中山平溫泉 > 南三陸 > 久慈）
【つたや旅館】
地址：〒028-0061岩手県久慈市中央2-22
昭和風既旅館12000円包早餐，免費泊車。
廁所同沖涼共用無問題，間房簡單乾淨就ＯＫ，房入面竟然有部Switch，仲有三款game揀。
估唔到呢間旅館，有免費餅乾小點心，連汽水雪條杯麵都免費。
【赤のれん】
地址：〒岩手県久慈市田屋町第1地割13-22
時間：11:00 ~ 22:00
泊低咗架車去旅館，最好就係去食燒肉飲啤酒。
一份500g燒肉3900円，一枝啤酒800円，沙律550円，飯250円，埋單5500円，留番少少肚去續攤。
串燒店滿座無得續攤，唯有買生果再返旅館食免費杯麵。
[Day 4] 06 Jun 2025（久慈 > 北三陸 > 八戶 > 八幡平）
一邊聽住久慈市用海女CM做0700報時擴播，一邊食早餐，呢啲體驗要住一晚先感受到。
食完早餐即刻趕去久慈駅買每日限定40份既海女海膽便當2500円。
買完海膽丼繼續北上。專登去道の駅 いわて北三陸。
專登去呢個道の駅 いわて北三陸，因為呢個係有寵物小精靈既道之駅！
原本諗住到此一遊，但有樹蔭有靚景，即刻帶埋今朝買既久慈駅海女海膽便當落車野餐。
2025年6月4日星期三
「海女」拍攝場景聖地巡禮
[Day 3] 05 Jun 2025（中山平溫泉 > 南三陸 > 久慈）
自駕遊機動性高，彈性又高，最適合嚟個拍攝場景聖地巡禮。
晨間劇「海女」拍攝場景聖地巡禮。大沢橋梁
晨間劇「海女」拍攝場景聖地巡禮。堀内駅
晨間劇「海女」拍攝場景聖地巡禮。小袖海女センター
重遊舊地．鳴子峽．南三陸さんさん商店街
[Day 3] 05 Jun 2025（中山平溫泉 > 南三陸 > 久慈）
一日早過一日，0530晨跑中山平溫泉遊步道+大深沢遊步道。無諗過用晨跑既方式去景點到此一遊。
如果屋企附近有條咁正既遊步道，日日0530晨跑都無投訴。
晨跑中山平溫泉遊步道+大深沢遊步道，重遊鳴子峽。
大深沢遊步道，安多酚放題。
2025年6月3日星期二
日本秘湯守護協會．うなぎの湯の宿 琢秀
[Day 2] 04 Jun 2025（松島 > 仙台 > 中山平溫泉）
好多秘湯既位置超級唔方便，考車牌最大既好處，就係可以去多啲秘湯。
【うなぎの湯の宿 琢秀】
地址：〒989-6832 宮城県大崎市鳴子温泉字星沼20-9
揀咗最平既房27720円+150円x2入湯稅，免費泊車，講明要行樓梯，但無諗過間房正正係溫泉入口上面，方便到飛起。
10年再訪 燒肉 - 仔虎
[Day 2] 04 Jun 2025（松島 > 仙台 > 鳴子溫泉）
松島0600晨跑。
重遊松島，但無諗過係用晨跑方式。
朝早無人無風又無浪，影水特別靚。
之前嚟過買海鮮煎餅，唔貴之餘款式又多，仲有試食，今次有車唔使行，更加要大手入貨。
【海鮮せんべい塩竈】
地址：〒985-0001 宮城県塩竈市新浜町3丁目30-30
時間：09:00 ~ 17:00
買完海鮮煎餅，去【三井アウトレットパーク仙台港】到此一遊。
2025年6月2日星期一
東北，ただいま
[Day 1] 03 Jun 2025（香港 > 仙台 > 松島）
去程：香港 > 仙台 08:00 - 13:35
回程：仙台 > 香港 14:30 - 18:25
機票連稅HKD1213/人，造就咗久違了既東北之旅。
數數手指，原來已經六年無去過日本東北。東北，我好掛住你呀！
香港終於有飛機直飛仙台，唔使再東京入然後坐新幹線上東北，方便好多。
今次終於可以自駕遊，可以去以前公共交通唔方便到既區域。
5日kcar車租26,400円+全保8,800円+ETC卡330円--樂天Coupon1500円，34,030円。
訂輕自動車但派咗架乘用車，無得慳高速公路費。
攞完車，第一站當然去醫肚。
訂閱：
留言
(
Atom
)