[Day 8] 07 Mar 2023（三朝溫泉 > 境港 > 松江 > 岡山）
見到米子站呢條樓梯，都應該估到下一站去邊。
無錯，就係去境港睇鬼太郎。
米子站月台有鬼太郎，境港站則成個站都有。
六架公仔車，收集到五架算好彩。
除咗有供奉神明既神社，境港呢道有【妖怪神社】。
【妖怪神社】門口有鬼太郎爸爸。
好鍾意日本呢啲以漫畫作品作賣點既地方，成條街都有漫畫人物，一路行一路講：【我認得，呢個係ＸＸ】，鍾意漫畫既人一定明白呢種感覺。
除咗條水木茂之路沿途有雕塑，連街邊啲櫈都有鬼太郎。
【水木しげる記念館】準備閉館裝修，呢幾日免費入場。
【水木しげる記念館】有水木茂老師既畫，好鍾意呢類好raw既畫。
【鬼太郎】淨係睇過電視無睇漫畫，見到呢張稿，先知鬼太郎爸爸點解變咗隻眼。
隔離個【妖怪楽園】好似蚊型冒險樂園，有射槍、擲銀仔同土產店，that's all。
寄張有鬼太郎郵戳既明信片俾自己做手信。
食壽司，唔一定要去到境港魚市場。位於車站隔離既【大漁丸】，用既都係每日由境港漁港直送既魚。
價錢唔貴之餘，仲勁新鮮，睇色澤就知。
電子自助點餐，menu有中文、英文、日文。望住【境港產】嚟點實無錯。
埋單3641円。
【大漁丸 みなとさかい店】
地址：〒684-0004 鳥取県境港市大正町215番地 みなとさかい交流館 1Ｆ
時間：11:00 - 21:00
沒有留言 :
發佈留言