岡山城，博多明太子

[Day 9] 08 Mar 2023（岡山 > 博多 > 小倉 > 博多）

岡山城

老細問要唔要上岡山城個天守參觀？好吖，但我哋早得滯到未開門喎。

日本三大名園之一【岡山後楽園】開八點，淨參觀後樂園算啦。門票410円

岡山 > 博多 JR (10:48-12:30)


12點半已經排哂長龍，呢道啲人到底有幾鍾意牛腸鍋？

牛腸鍋店都唔一定淨賣牛腸鍋，呢個南蠻炸雞都好受歡迎。

當然牛腸鍋都好受歡迎。午餐牛腸鍋有五至六粒牛腸。

牛腸雖好食，但主角係明太子囉。我就係因為呢間餐廳有午市限定既【明太子放題】先嚟幫襯，只要一人點一份午餐，就可以任添白飯、高菜、明太子。

枱面仲有張紙教你整明太子茶漬飯。

【博多もつ鍋やまや　博多店】

地址：〒812-0012 福岡県福岡市博多区博多駅中央街1番地1号

時間：11:00~15:00，17:00~22:00

博多 > 小倉 JR (14:39-14:54)

本來今日行程無小倉，但因為博多站實在太多人排隊換火車券，而今日我哋仲可以用山陰山陽張北九州火車証，立馬去小倉換火車証＋遊小倉城。

小倉 > 博多 JR (16:51-17:06)

【多牛】既牛肉靚之餘又抵食，呢間分店坐得舒服不過地點遠啲，去親博多都想嚟食。

餐牌係得咁多，一定無選擇困難症。

啤酒用冰杯，我鍾意。

指定動作：上カルビ（肋骨），上ロース（里肌肉）

想食ハラミ（橫隔膜）但今日無貨，咁要ホルモン（內臟）啦。

咦？餐牌有個熟口面既字セセリ（雞頸），就點你啦！

再加份厚切上タン（牛舌），埋單先5819円，大滿足。

【焼肉多牛東比恵店】

地址：〒812-0006 福岡県福岡市博多区上牟田１丁目１−１

時間：己結業