八王子拉麵館

都唔知係忙得滯定懶得滯，連早排去咗間八王子拉麵館喫過飯都唔記得。
早排呢．．．．即係呢．．．．都中秋之前既事囉．．．．
聖誕都嚟緊，仲講番中秋前既嘢。

廚師推介既牛骨湯拉麵，實在喫唔出係牛骨，
叉燒味道普普通通喇，唔係好好味又唔係難食果隻；

粟米濃湯拉麵，未上枱之前粟米精小小好期待有好多好多好鮮甜既粟米，
可能係新鮮粟米剝落嚟，又或者係唔知邊樹特別地方既粟米，
點知都係普通粟米 (但係粟米可以有幾唔普通呢？！)，
再有個金寶粟米湯既湯底浸住拉麵。

個湯底真係有啲雞肋FEEL，食之無味，棄之可惜，
飲又飽滯過頭，唔飲又好似好浪費．．．．

讚既係，呢度既味玉做得唔錯，雖然唔及橫綱個味玉，但相對其他拉麵店，
係做得唔錯。

四十零蚊個拉麵，唔使加一味道OK，老實講，好過去啲要加一既拉麵店。