世界上無免費既午餐．．．．但有免費既雞肶
早兩三年前既東北之旅，搵割引卷時已經發現呢隻免費雞肶，
但因為期間限定又過期喎，望完就算，無謂分享啲過期雞肶喇；
今年叮一聲，無情情又諗番起喎，即刻摷吓隻雞肶係咪仲係免費喇
好嘢！掂呀！隻肶仲係免費呀，未過期架，快啲大啖咬喇！
講咁耐，隻免費雞肶即係咩？咪就係同幅相有關既嘢囉．．．
呢個咁靚既景就係蔵王既お釜，お釜有個別名叫五色沼，
曾經有人見到五色沼呢個名，誤會呢個五色沼同裏磐梯五色沼係同一個地方．．．
點解叫五色沼呀？果啲嘢唔介紹喇，自己上網搵，GOOGLE老師會講你聽。
呢個免費雞肶餐，就係有免費巴士，
由上山溫泉駅，唔使錢咁車你上刈田停車場，
你自己好有錢咁俾幾百円，坐吊車上去睇お釜，
之後又唔使錢咁車番你去上山溫泉。
唓！免費巴士之嘛，有咩咁巴閉姐，頂多咪慳得幾百円，我有錢，使咩要免費嘢！
唔食呢隻免費雞肶就真係笨，因為自己坐巴士既話，來回要成3980円架，
兌番港紙，成三百幾蚊架！！三百幾蚊既雞肶喎．．．．
小眼晴小鼻子心胸又窄既小小，左諗右諗先決定分享呢隻免費雞肶，
免費既嘢有QUOTA，陣間多隻香爐多隻鬼，QUOTA爆咗，
人地有份我無份咪好唔抵？！
最緊要係因為唔想同唔鍾意既人分享囉．．．．
但小小有好多志同道合又鍾意既網友喎，
無理由為咗啲唔鍾意既人，犧牲啲小小鍾意既人既利益架？！
想喫免費雞肶既朋友要留意，
免費雞肶有期間限定：2010年4月24日（土）～11月7日（日）まで
(以上照片來自)
http://www.zaoliza.co.jp/summer/access.html
沒有留言 :
發佈留言