2010日本東北追祭之旅 - 妄想加入行程 (3) - 冷麺手づくり体験

又奀皮又為食既小小，又想硬插行程 。(大佬！無時間喇！咪妄想喇！！)

有咩嘢吸引到又奀皮又為食既小小？
第一當然有得喫！第二係玩！第三係玩啲未玩過既嘢！第四係喫啲未喫過既嘢．．．
有得食，有得玩，又新奇．．．．妄想行程當然唔係去買出奇蛋喇！
去到東北，買隻出奇蛋根本滿足唔到小小，何況隻蛋又唔好玩又唔好食！

咁有咩有得玩又有得食？咪就係學人整冷麵。
搓下冷麵，切下冷麵，係咪好好玩呢？
跟手淥埋仲有得食添，幾好吖！

七百幾円就可以滿足三個願望，幾抵呀！！
呢個行程，插唔插得入呢？