向長隆出發！！火車篇

約咗幾年既長隆之旅，因打風，落雨，考試測試，無限期拖延，
今年，終於可以出發喇！！

為咗慳車錢，唔坐香港直通火車，改由深圳坐火車去廣州(RMB75)，
再轉巴士(RMB3)。
記憶長時間停留向好耐以前，小小成日形住大陸火車又殘又舊又污糟．．．
但坐完之後，小小要UPDATED下啲老年記憶喇。

拎住張車飛，諗住入閘等車，以為好似香港地鐵單程飛咁，食張飛入機，
以後開閘，原來唔係架！！
將車飛放响閘機上面，好似八達通咁嘟一嘟，就入閘，好利害呀！！

上到月台四圍睇睇，月台雖然唔係好靚，仲有啲爛磚，
但有穿著整潔既，咀角笑淫淫既小姐望住你微笑，
快啲同人揮吓手先上車喇

一上車先發覺．．．好乾淨，好靚呀！！好似坐JR咁呀！！

車箱頭仲有電子報告板，報告車內車外氣溫，行車速度，
仲有推車小姐，推住啲三明治呀，飲品咁。

坐火車坐得咁鬼開心，真係值得開一篇卜，齋講坐火車呀！！