大閘蟹 + 乳豬餐

期待已久既大閘蟹餐登場啦！！！！
自從龍妹妹話有得訂平價大閘蟹，個腦日日都幻想緊啲又甘又香又黃澄澄又美味既蟹膏．．．
但查實小小咁大個人都未喫過大閘蟹，未喫過憑咩幻想好好味？！
啲平價蟹，SIZE唔細膏唔少，真係要多謝龍妹妹帶脅先有好嘢喫。

十個人夾埋訂既蟹，足足一籮咁多！！
成籮蟹向到嘔白泡，真係好鬼壯觀又嘈，buluBULUbulu！

淨喫蟹唔夠飽，順手訂埋隻乳豬+雞，唔使點煮都夠大棚人喫！！

呢餐真係辛苦哂龍生龍太，又要買菜又要洗菜又要落街拎蟹仲要蒸埋俾十條茂炳喫，又要斬雞又要切乳豬，仲要洗埋碗，又拖地又掃地．．．．

小小係咁易扮下嘢，整下薑茶湯丸當做過吓嘢，喫完拍吓屁股又走人．．．

新粵穆斯林餐廳

無無聊聊，唔願做功課，唔願溫書，懶懶閒閒．．．．
財政大臣都唔知係咪見小小懶得滯睇唔過眼，無情情動議返深圳。

好！返深圳好呀！有得行街，有得按摩，仲唔使煮飯添呀！！

即刻執嘢出發喇！
兩點鬆戚起條根，四點鬆就上到深圳，五點唔夠已經按摩緊，
突然覺得火車係偉大既發明呀～～

招呼完條蘿蔔腿，係時間招呼吓個月巴腩入面既胃！！
坐地鐵去科學館站，行幾分鐘，就到新粵穆斯林餐廳。
揭揭餐牌，樣樣都想喫，但得兩條蝗蟲，幾大食都唔可以點太多嘢。

兩條香酥羊小脾 (RMB18只) - 渣住羊脾好似雞脾咁咬，見到都覺得興奮
味道一般，唔太酥，但香口

沙漠羊排 (RMB48) - 味道唔錯喎，餅底好似喫緊好多洋蔥既羊肉PIZZA咁，
又香又酥，正！

羊肉水餃 (RMB 12) - 普普通通喇

拍黃瓜 (RMB3) - 碟碟炒菜都要幾廿蚊，炒青菜都十幾蚊，呢碟特價中既拍黃瓜價錢太吸引所以點咗

喫咁多羊肉，間中喫舊青瓜中和吓，唔錯唔錯

烤羊肉串 (RMB10) 金牌烤羊排 (RMB 18 兩條 )
普通烤羊肉串RMB3，呢條高級羊串要RMB10，但唔覺有咩咁突出
金牌烤羊排有啲肥肉，燒起上嚟標哂油，喫落又酥又脆

茶錢RMB1位，無加一，埋單RMB129。
望望鐘21:30，員工開緊飯，櫃台埋緊數，又係時間走人。

2010日本東北追祭之旅 - 妄想加入行程 (5) - 田沢湖踩單車兼野餐

懵查查，手震震，咁鬼肉酸既相做咩放出嚟？
就係因為上次大風雪，咩都睇唔到，靚相又影唔到，攪到今次要再去田沢湖。

好喇！今次夏天去，應該唔會大風雪而懵查查，唔會凍到手震震喇！！
仲預足成日，坐船又得，踩鴨仔又得，踩單車又得，野埋餐都仲得！！哼！

自從小學試過野餐之後，咁多年都未再去過野餐．．．
唔得，要帶定格仔膠席，滕籃，三明治，果汁，大圓草帽去湖邊野餐！！
即刻諗起．．．．．

田沢湖は一周およそ20km、自転車での所要時間は2～3時間が目安だ。湖畔のサイクリングロードは自然豊かでのどかな風景が続く。自転車の貸出はレストハウス前にあるので、ぜひトライしよう。

期間      4～11月下旬
休み     期間中無休
時間     8:00～17:00
交通     JR秋田新幹線田沢湖駅から羽後交通バス田沢湖一周行きで15分、レストハウス前下車すぐ
駐車場     駐車場あり（無料）
レストハウス駐車場を利用
料金     レンタサイクル（1時間）　400円
カード     利用不可

2010日本東北追祭之旅 - 妄想加入行程 (4) - 稲庭うどん - 比內地雞

上次去唔到角館，買唔到稲庭うどん，喫唔到比內地雞。
今次plan咗成日向秋田，點都要買稲庭うどん，點都要喫稲庭うどん，仲要喫比內地雞！！哼！！

但係．．．．．點解menu入面無上次個比內地雞餐架？！
還番隻比內地雞過我呀！！


【お問い合わせ・営業時間】
佐藤養助 秋田店　
禁煙席もございます。

所在地／秋田県秋田市中通2-6-1
秋田西武地下1階
　
ＴＥＬ／018-834-1720
営業時間／11:00～21:00
定休日／年中無休