2010日本東北追祭之旅 - 妄想加入行程 (3) - 冷麺手づくり体験

又奀皮又為食既小小，又想硬插行程 。(大佬！無時間喇！咪妄想喇！！)

有咩嘢吸引到又奀皮又為食既小小？
第一當然有得喫！第二係玩！第三係玩啲未玩過既嘢！第四係喫啲未喫過既嘢．．．
有得食，有得玩，又新奇．．．．妄想行程當然唔係去買出奇蛋喇！
去到東北，買隻出奇蛋根本滿足唔到小小，何況隻蛋又唔好玩又唔好食！

咁有咩有得玩又有得食？咪就係學人整冷麵。
搓下冷麵，切下冷麵，係咪好好玩呢？
跟手淥埋仲有得食添，幾好吖！

七百幾円就可以滿足三個願望，幾抵呀！！
呢個行程，插唔插得入呢？

2010日本東北追祭之旅 - 妄想加入行程 (2) - 朝市

誓要將師奶本色發揮到盡既小小，不忘向針都插唔入既行程入面，
好努力咁嘗試迫啲時間出嚟，加啲師奶最鍾意行既地方 - 街市。

一個八戸市入面，估都估唔到竟然有成九個朝市咁多。
由於時間緊迫關係 (根本無時間同妄想強加)，
少少哋搵定幾個近近哋既朝市既資料，睇吓到時有鬆動時間的話就去裝吓。

陸奥湊駅前朝市 (陸奥湊駅前)
通年（日曜・第2土曜・年始休み）午前3:00～正午

日曜新鮮市 (陸奥湊駅前)
4月～12月・第1日曜日・午前5:00～9:00

八戸駅前朝市 (八戸駅前)
4月中旬～11月・毎週日曜日・午前5:00～7:00

行街市睇到物價，睇到同香港唔同種類既蔬菜，豬牛魚點賣法，
大和師奶買餸份量，買菜會唔會搭蔥？買豬肉會唔會搭豬骨？
個腦又諗吓買咩菜煮咩餸配咩肉最好，一路行一路睇一路諗，幾好吖．．．

幻想咁多都無用，首要要再度下個行程，擠啲時間出嚟，先有機會去。

牛一飯@咖啡亭 Cafe Express

是日財政大臣牛一

，小小當然要扮哂乖，邀請財政大臣喫餐好。
本來諗住翻兜Marriott cafe，但無意中見到不眠皇子介紹麗景酒店，
$488兩位，連加一都係$536.8，為$268.4一個人，好似好抵，就試試。

訂咗18:30，去到即刻巡場。
場算細，但都有刺身，生蠔，淥烏冬；
冷盤有煙三文魚，松葉蟹腳，青口，凍蝦，螺，三文魚他他；
沙律菜，巴拿馬火腿，熱盤，多款甜品，蛋糕，雪糕機，芝士。

生蠔即開即喫，坐正向生蠔枱隔離，財政大臣起勢咁喫；
小小當然又係喫咩都試啲就開始喫甜品。
當中最突出既，係Raclette芝士，同埋酒心朱古力。

Raclette芝士配克力架餅，小小發咗癲咁，喫咗四塊，
每當有人order Raclette芝士配餅，服務生會開著發熱線，
整溶Raclette芝士再搽上餅上面，整溶Raclette芝士果陣，
真係成場都聞到果陣芝士味，實在引死人，
每次聞到呢陣味，小小好有衝動又再拎塊嚟喫．．．．
就係咁，喫咗4塊．．．

酒心朱古力好香好滑，唔係一味死甜，連唔好甜品既財政大臣都encore呢粒朱古力。

呢隻豬脾，真係勁．．．．．．．．．臭豬味。可能唔係好識喫巴拿馬火腿，所以唔多識欣賞。

小小從來喫嘢都無分先後次序，邊款吸引就喫邊樣先，
影相都係．．．．所以呢．．．有啲有相有啲無相又無次序咁囉。呢餐喫飽飽，同財政大臣講多十零廿次牛一快樂，又係時候鬆人。

2010日本東北追祭之旅 - 妄想加入行程 (1) - 種差海岸

人，總係貪心既．．．．得一就想二。
話說追祭之旅多日向八戸流連，貪心小小當然做功課搵下八戸有咩好睇。
一睇，就不得了囉！

近年扮健康，愛上咗行山游水呢類運動，玩得多，個心不期然鍾意親親大自然。
八戸市觀光情報介紹既種差海岸，有山有水有

睇，一睇就令小小心郁郁，
想向針都插唔入既行程再加呢個幾咁健康，幾咁relax (心靈relax，唔係對腳)，既8.2k行山樂。

鮫駅 > 種差海岸遊歩道の起終点 - 葦毛崎展望台 > 8.2k 遊步道 > 白浜海水浴場 > 種差海岸駅

以平日行山步速計，影埋影相，估計3個鐘行哂。

唔想行，可以坐遊覽車。

種差海岸遊覧バス　ワンコインバス・うみねこ号
04/29 - 10/31 運行，大人100円，小人50円
運行コース：JR鮫駅～葦毛崎展望台前～白浜海水浴場前～JR種差海岸駅