[Day 2] 26 Jun 2024（吉薩金字塔群 > 開羅博物館 > 市集 > Chill out Pyramids Gardens）
開羅博物館。
8腳8票，團魂。
Yuya and Thuya。
但係邊個棺係Yuya，邊個係Thuya我影完已經唔記得。
知道開羅博物館好多嘢睇，但無諗過mummies多到數唔哂，根本係大型停屍間。
Yuya and Thuya 訓喺透明櫃入面任人瞻仰遺容，一人露出金髮（我有勇氣影但無勇氣放出嚟），另一人則露出腳趾，兩者保存極好。
其他大量無標名既木乃伊，訓哂喺隔離房既超多層大型碌架床，無冷氣兼經天窗曬日光浴。
嚟到博物館，學識咗一個底部有橫線既橢圓形圖騰，圈住既係法老名字，同法老稱號，有識別同守護既意思。
呢度就係全個博物館唯一有冷氣，同唔準影相既展區 - 圖坦卡門（Tutankhamun）。
圖坦卡門個面具勁華麗，陪葬金器亦超級精緻，絕對值得一睇。
除咗圖坦卡門外，好多區都好好睇，呢啲成2層樓高既像已經非常壯觀。
唔記得呢舊石咩來頭，但好多紀念品都係呢舊崩咗既三角石。
如果鍾意埃及古文明，就一定要去睇埃及博物館。😍
沒有留言 :
發佈留言