戶田 高足蟹

[Day 3] 30 Oct 2023（伊豆溫泉 > 戶田 > 土肥溫泉）

浄蓮の滝。

地地：〒410-3206 静岡県伊豆市湯ケ島８９２−１４

修禅寺。

地址：〒410-2416 静岡県伊豆市修善寺９６４

独鈷の湯。

新井旅館。

修善寺竹林の小径。

【の一食堂】

戶田最出名既美食係高足蟹（高足ガニ）。用信用卡既白金秘書預約，只能預先訂枱無得訂蟹，訂蟹只限當日朝早９點後，因為高足蟹數量有限，而且唔係日日捉到。

抱住搏一搏既心情１１ 點嚟到餐廳，入去即問今日仲有無高足蟹，答案係＂有＂，仲要係最後１ 隻！！開心到癲咗。

高足蟹收費以重量計，由11000円起至22000円不等，呢隻差唔多去到最大，連稅要23100円。唔理大細即刻要！山長水遠嚟到梗係要食到！

生勾勾俾你影幅相先拎去蒸，無花無假無呃秤！

咁大隻蟹最少蒸２０ 分鐘，上枱熱辣辣。

有高足蟹食，仲要今日最後１隻，實在太感動，感動既淚水忍唔住喺咀角不停流出來。

蟹腳其中一截已經長過隻筷子。

食蟹的話，餐廳係會俾面盤你裝蟹殼，你無睇錯我無講錯，唔係碟，係洗面盤，咁就知道一隻高足蟹大到蟹殼有幾多。

蟹膏麵豉多到淨用嚟點蟹肉係食唔哂，要拆肉放入去當湯咁飲。

請無視我啲蛀牙，個口要幾大先一啖食到膏同肉。

高足蟹唔平但值，蟹肉甜，係清甜，同阿拉斯加長腳蟹完全唔同味。

【の一食堂】

地址：〒410-3402 静岡県沼津市戸田４１０−１６

時間：10:00 ~ 16:00

戶田除咗高足蟹，仲有其他海鮮，有機會可以試下。