平湯溫泉 旅館たなか

 [Day 5] 25 Apr 2026（能登半島 > 富山 > 平湯溫泉）

【平湯温泉　旅館たなか】

地址：岐阜県高山市奥飛騨温泉郷平湯８５－１０

呢期啲溫泉興用二次元人物做代表人物，平湯溫泉都唔例外。

包早晚餐22,940円+150円x2入湯+100円x2宿泊稅，免費泊車。

入門口成條走廊放喼，刷牙洗面唔使頂手頂腳。

訂最平既【和室６畳】，Checkin俾咗【和室８畳+広緣】。

免費既貸切露天溫泉。泉水係『かけ流し』，源頭係鶴の湯，水質柔軟有美肌功效。

如果晚餐有得揀，會要少２碟餸平２千円，年紀大食唔哂會嘥。要咗少２碟餸既餐都有咁多碟，仲有鐵板燒飛驒牛，勁抵。

連早餐既自家製朴葉味噌上面都有幾粒飛驒牛。呢度既朴葉味噌，甜甜咸咸，撈白飯一流。

旅館好謙虛，話呢度無高級旅館設施，但佢哋會提供熱情友善既服務。的而且確，呢度唔豪華但非常舒服，有溫泉旅館既溫度。