戀上 馬爾代夫 (DAY 2) PART 2 (Constance Moofushi Resort Water Villa)

02 Jun 2011 - 07 Jun 2011 戀上馬爾代夫 (DAY 2) PART 2

---

[Day 2] 03 JUN 2011 (Constance Moofushi Resort)

到喇到喇！終於踏足向馬爾代夫喇！
呢刻真係興奮到想趴向個地樹親吻個地下。

馬爾代夫果然係水清沙幼，無論係馬里市中心，定係resort，啲水真係清到見底，
見到啲魚仔游來游去，真係好心急想即刻跳落去玩水。

心急還心急，都要坐低等攞房攞匙卡。

坐向reception，飲杯welcome drink等攞匙卡，
老實講，杯welcome drink味道麻麻，唔係小小鍾意既味道。
飲住杯唔啱口味既嘢飲，出面又咁多魚仔，啲水又清，仲有啲太陽 (家陣雨季，好怕黑仔起嚟連續幾日落雨影唔到相)，好想快啲去影相去玩．．．
心急玩又心急四圍走既小小又試覺得呢度啲人做嘢好慢．．．．．

好，小小今均嚟放假休息，唔係嚟勞氣，我等，我等，我等等等．．．

等咗陣，由識講國語既reception 姐姐介紹 (唔知中國籍定台灣)，constance moofushi resort呢樹，係比馬里市快一個鐘，拿拿聲調好隻錶先。
跟住reception 姐姐帶班鴨仔遊大半個圈，介紹主要餐廳位置呀，泳池呀，BAR呀，借游水玩具位置呀，book 水上活動位置呀咁。小小估計因為呢程水上飛機既鴨仔，絕大部份都係中國藉，所以由國語姐姐介紹。

介紹完，就帶鴨仔們去佢地既房，而小小入住既就係．．．燈燈燈櫈．．．
water villa 122號房。

拿拿聲影房入面既設備先！！
6呎大床 (有啲呃呃地人，由兩張3呎床褥合併而成，中間有條坑，唔太適合鍾意訓正中間既財政大臣)

有張好疏肝既sofa．．．．有幾疏肝唔知，因為咁多日都無坐過呢張sofa
連日嚟，一係大字形訓向床度，一係大字形攤向水度，唔得閒坐呢張sofa

床後面，就係可以燙開鏡門既梳洗位置，有兩個水喉位，唔使爭位刷牙洗面
有風筒，番皂，棉花棒，化妝棉，浴帽，無牙刷牙膏梳，敬請自備

再嚟係沖涼位，water villa 無浴缸，唔使諗住泡泡浴同浸浴鹽喇，
但有個夠水力既雨淋式花灑同普通花灑

有洗頭水，護髮素，淋浴露，唔係薰衣草味，放心使用！

廁所位向沖涼位對面，唔係同一地方，唔使擔心沖涼沖得耐，阻住另一半大解小解

仲有係每日refill既房內minibar，有紅酒，白酒，汽水，果汁，茶包，薯片，朱古力
請放心任飲任喫．．．唔怕肥唔怕滯既話
minibar隔離係夾萬，但唔記得咗影相

好，戲肉嚟喇！！
牀尾對出就係落地大玻璃，拉開窗簾，打開玻璃門．．．．燈燈燈櫈．．．

就係可以好悠閒睇書呀，曬太陽呀，曬豬腩肉呀，曬泳衣呀既多功能太陽櫈
就咁諗吓，肉騰騰咁坐响樹訓向樹扮relax睇書，擒向個欄果樹睇魚仔，
齋諗都咁開心，可想而知當時小小一路影一影四萬咁口，笑到卡卡聲

好，跟住係多功能太陽櫈隔離條自家私家落水樓梯，
一碌落去就有大量魚仔，上水位又有個花灑，可以沖沖身先碌入房再沖

好，室內環境設施影住咁多先。襯仲有太陽，拿拿聲出去影靚景。

因為出發前已經知道呢段時間係雨季，一早同財政大臣講好，
襯仲有陽光就好喇喇聲影相，落雨都仲可以照游水，但影唔到明信片中既馬爾代夫。拿拿聲執埋支腳架，出去影相。

註：
- 雨季期間，間中會有大雨，有太陽就拿拿聲影相先