見到呢個咁靚既景，就知道小小又去咗浪茄玩喇！
本來上早兩星期已經話要去玩，點知逢假期先嚟落大雨，
仲行雷閃電，小小做埋咁多衰嘢，出街怕被雷劈架嘛，
落咗成個星期雨，卒之放晴喇！即刻約齊人去玩喇！！
落咗成個星期雨，啲塵呀微粒呀，洗走哂吹走哂，
個天都清啲，好耐都無見過咁藍既天，咁白既雲
經過破邊洲，萬宜水庫，行行行．．．．
親愛既浪茄，我又嚟喇！！！！
今日啲水好清，又超好太陽，間中吹吓海風，
攬住水泡浮浮吓真係好過癮
攬夠水泡又去浮潛睇魚仔，海膽，墨魚仔
某幾個角度睇，仲以為自己去咗馬爾代夫添呀
上幾次去啲水都無今次咁清，今次真係揀啱日子去玩，
玩得幾咁盡興，希望下次再可以揀啱日子去
沒有留言 :
發佈留言