健行 - 川龍往河背水塘(2009/12/26)

今年拆禮物日嚟個健康既活動 -- 行山。

天都未光就起身出門口，向荃灣兆和街坐小巴去川龍，
飲個豐富既早茶，先開波行山。

第一輪有鳳爪，牛肉，蝦餃，春蛋燒賣，蘿蔔糕，春卷，炸兩，咸水角，鳳爪排骨飯。

第二輪有燒賣，煎餃，煎腸粉，鴨腳札，煎茄子青椒，豆腐花同大包。

5個大食積，一早喫咗$20x，搓住個肥腩向河背進發。
經過研習徑，穿過營地，去到分叉口，左去深井，右去河背。

不斷不斷咁落山，終於離遠見到河背水塘。

河背水塘出口有個有機農場，喫碗豆腐花，買條有機菜呀，湯包呀，
咁又一日。