2010日本東北追祭之旅 - 妄想加入行程 (2) - 朝市

誓要將師奶本色發揮到盡既小小，不忘向針都插唔入既行程入面，
好努力咁嘗試迫啲時間出嚟，加啲師奶最鍾意行既地方 - 街市。

一個八戸市入面，估都估唔到竟然有成九個朝市咁多。
由於時間緊迫關係 (根本無時間同妄想強加)，
少少哋搵定幾個近近哋既朝市既資料，睇吓到時有鬆動時間的話就去裝吓。

陸奥湊駅前朝市 (陸奥湊駅前)
通年（日曜・第2土曜・年始休み）午前3:00～正午

日曜新鮮市 (陸奥湊駅前)
4月～12月・第1日曜日・午前5:00～9:00

八戸駅前朝市 (八戸駅前)
4月中旬～11月・毎週日曜日・午前5:00～7:00

行街市睇到物價，睇到同香港唔同種類既蔬菜，豬牛魚點賣法，
大和師奶買餸份量，買菜會唔會搭蔥？買豬肉會唔會搭豬骨？
個腦又諗吓買咩菜煮咩餸配咩肉最好，一路行一路睇一路諗，幾好吖．．．

幻想咁多都無用，首要要再度下個行程，擠啲時間出嚟，先有機會去。