我地兩公婆，龍生龍太，再加阿藍，五人行山團，出發。
向西貢麥當奴門口，有架村巴去西灣亭，$15位，20-30分鐘一班，但我地五人坐的士大約$83.3，唔等村巴喇。
西灣亭出發，向後行數拾步就見到郊遊徑入口。
先嚟一段上路，約15-20分鐘，就開始落山，落到底會見到雙鹿石澗交滙處。
向石澗向入行，會見到四疊潭，向度玩一陣，又繼續上路。
上上落落，去到分叉口，左邊一條長命梯係鹿湖郊遊徑，右邊一條平路就去赤徑，眼看去赤徑條路好似好行啲，但係到赤徑後段咪又係要上斜，條斜仲長過呢度，吸一啖氣，上喇。
上到頂，遠眺石澗上遊，睇下老公大人型仔既背影，繼續行，行多陣就落山，再輕微既上上落落，過多陣再落山，無耐就到今日既終點，鯽魚湖燒烤區。
坐番車返出西貢，喫個下午茶，完美又健康既一天，就係咁過。
沒有留言 :
發佈留言